२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौँ । थ्रीस्टार हाइड्रोपावरको आइपिओ बाँडफाँट गरिएको छ । आज भएको बाँडफाँटमा कुल ६१ हजार ३१६ जनामध्ये २ जनाले ११ कित्ताका दरले र बाँकीले १० कित्ताका दरले सेयर हात पारेका छन् ।
कम्पनीको उक्त आइपिओमा कुल १० लाख २४ हजार ४६ जनाले आवेदन परेकोमा २ हजार ८४८ जनाको आवेदन रद्द भएको बिक्री प्रबन्धक हिमालयन क्यापिटलले जानकारी गराएको छ ।
कम्पनीले असार ५ गतेदेखि ८ गतेसम्म ६ लाख १३ हजार १६२ कित्ता सेयर सर्वसाधारणलाई बिक्री गरेको थियो । कम्पनीले यसअघि ७३ हजार ८७५ कित्ता वैदेशिक रोजगारीमा रहेका नेपाली र ४ लाख ९२ हजार ५०० कित्ता सेयर निष्कासन आयोजना प्रभावित स्थानीयलाई बाँडफाँट गरेको थियो ।
साथै, कर्मचारीलाई १४ हजार ७७५ कित्ता र सामूहिक लगानी कोषका लागि ३६ हजार ९३८ कित्ता सेयर छुट्टाइएको थियो । लगानीकर्ताले बिक्री प्रबन्धक हिमालयन क्यापिटलको वेबसाइट र मेरो सेयर एकाउन्टबाट आइपिओको नतिजा हेर्न सक्नेछन् ।
© 2025 All right reserved to khabarcnter.com | Site By : Sobij
