२०८२ मंसिर १४ गते आइतवार
२०८२ मंसिर १४ गते आइतवार
हेटौंडा । मकवानपुरको थाहा नगरपालिकाले आगामी आर्थिक वर्ष २०८०/०८१ को लागि ९८ करोड ८८ लाख ४१ हजार रुपैयाँको बजेट सार्वजनिक गरेको छ ।
आइतबार बसेको नगरसभामा नगर उपप्रमुख भरत गोपालीले संघीय सरकारबाट प्राप्त समानिकरण अनुदान १२ करोड ४० लाख रुपैयाँ, समपुरक अनुदान ५० लाख रुपैयाँ, विशेष अनुदान १ करोड रुपैयाँ, सशर्त अनुदान ३१ करोड १४ लाख रुपैयाँ, राजस्व बाँडफाटबाट ११ करोड ६२ लाख २ हजार रुपैयाँ, रोयल्टी २ करोड रुपैयाँ गरी कुल ५८ करोड ८६ लाख २ हजार रुपैयाँ प्राप्त हुने अनुमान गरेको छ ।
त्यस्तै प्रदेश सरकारबाट प्राप्त समानिकरण अनुदान १ करोड २६ लाख ८२ हजार रुपैयाँ, समपुरक अनुदान ४ करोड रुपैयाँ, विशेष अनुदान ६० लाख रुपैयाँ, सशर्त अनुदान ६ करोड २५ लाख ५४ हजार रुपैयाँ र राजस्व बाडफाड ८ करोड ३५ लाख ५३ हजार रुपैयाँ गरी कुल २० करोड ४७ लाख ७९ हजार रुपैयाँ प्राप्त हुने जनाइएको छ ।
सार्वजनिक गरिएको बजेटको स्रोत व्यर्होन नगरपालिकाले आन्तरिक आय तर्फ राजस्व ६ करोड ५४ लाख ५० हजार रुपैयाँ, मालपोत कर बापत २ करोड रुपैयाँ र गत वर्षको नगद मैज्दात ११ करोड रुपैयाँ गरी कुल १९ करोड ५४ लाख ५० हजार रुपैयाँ आम्दानी हुने अनुमान गरिएको छ । नगरपालिकाले आगामी आर्थिक वर्षमा ८ करोड ५४ लाख ५० हजार रुपैयाँ राजस्व संकलन गर्ने अनुमान गरेको छ ।
नगरपालिकाले कृषि, पुर्वाधार विकास, शिक्षा, स्वास्थ्य, सामाजिक विकास, सुशासन, उद्यमशिलता र रोजगारी ,विपद व्यवस्थापन र क्षमता विकासलाइ प्राथमिकतामा राखेर बजेट विनियोजन गरेको छ ।
नगरपालिकाले आगामी आर्थिक वर्षमा दामन सिमभन्ज्याङ क्षेत्रमा मनोरेल, भैसे सिमभञ्ज्याङ केवलकार निर्माणका लागि सम्भव्यता अध्ययन गर्ने, तरकारी खेतीको प्रोत्साहनसहित पुष्प खेतिको लागि सम्भाव्यता अध्ययन गर्ने, विपन्न परिवारका नागरिकहरुलाई सरकारी तथा निजि स्वास्थ्य केन्द्रबाट अनिवार्य १० प्रतिशत छुट दिने व्यवस्था कार्यान्वष्न गर्ने, पर्यटन प्रवद्र्धनको लागि अन्तरपालिका सहकार्य योजनाको पहिचान गरी कार्यान्वयन गर्ने लगायतका कार्यक्रमहरु बजेटमा समावेश गरेको छ ।
© 2025 All right reserved to khabarcnter.com | Site By : Sobij
