२०८२ आश्विन २६ गते आइतवार
२०८२ आश्विन २६ गते आइतवार
काठमाडौँ । मेटलाइफ नेपाल बिमा कम्पनीले नेपाल क्लियरिङ हाउस लिमिटेडसँगको सहकार्यमा स्ट्यान्डर्ड चार्टर्ड बैङ्कसँग सहकार्य गरी बिमाशुल्क भुक्तानीका लागि डिजिटल स्ट्यान्डिङ इन्ट्रक्सन (ई–मान्डेट) सुविधा सक्षम पार्ने गरी साझेदारी गरेको छ । नेपाल क्लियरिङ हाउस लिमिटेडको राष्ट्रिय भुक्तानी इन्टरफेस प्रणालीद्वारा सो सुविधा मेटलाइफ नेपालले नेपालको बिमा क्षेत्रमा पहिलो पटक प्रचलनमा ल्याएको हो ।
मेटलाइफ नेपालका ग्राहकहरूले आफ्ना बिमा शुल्क भुक्तानीहरूको लागि सक्षम गरिएको डिजिटल स्थायी निर्देशनमा आधारित ई–म्यान्डेट सुविधाको सदस्यता लिएर झन्झटमुक्त तरिकाले आफ्नो बिमा शुल्क भुक्तानी गर्न सक्नेछन् ।
उक्त सुविधाको सदस्यता अन्तर्गत ग्राहकहरूले बिमा शुल्क भुक्तानीको निर्धारित मितिमा आफ्नो बैङ्क खाताबाट रकम प्रत्यक्ष भुक्तानी गर्न अनुमति दिनसक्नेछन् । मेटलाइफ नेपालको पोर्टलमा लगइन गरेपछि, ग्राहकले आवश्यक अनिवार्य जानकारी (भुक्तानी अन्तराल र रकम) समावेश गराई, दर्ता भएपछि, सुविधाको प्रक्रिया पुरा हुनेछ ।
ई–म्यान्डेट आधारित भुक्तानीहरूले नियमित वा आवर्ती आवधिक प्रकृतिको भुक्तानीहरूलाई प्राथमिकता दिनेछ । ग्राहकहरूले यो सुविधाको सदस्यता लिन सक्छन् र निश्चित मितिहरूमा त्यस्ता भुक्तानीहरू डिजिटल रूपमा गरिन्छ भन्ने कुरामा विश्वस्त हुन सक्छन् । एक पटक यस सुविधाको सदस्यता लिएपछि ग्राहकहरूले निरन्तर रूपमा यसको फाइदा लिन सक्नेछन् ।
स्ट्याण्डर्ड चार्टर्ड बैङ्क नेपाल लिमिटेडका प्रमुख कार्यकारी अधिकृत अनिर्वण घोष दस्तीदारले भने, “मेटलाइफ, नेपाल क्लियरिङ हाउस र स्ट्यान्डर्ड चार्टर्ड बैङ्क बीचको सहकार्यको यो उत्कृष्ट उदाहरण हो । हामी विश्वस्त छौँ कि यो विकास र प्रवृत्तिले बिमा र बैंकिङ उद्योगको लागि बिमा शुल्क सङ्कलन प्रक्रियालाई परिवर्तन गर्नेछ ।”
© 2025 All right reserved to khabarcnter.com | Site By : Sobij
