२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं महानगरपालिकाले छत्रवृत्ति वितरणको विवरण उपलब्ध नगराउने संस्थागत विद्यालयको नामावली सार्वजनिक गरेको छ । महानगरले सूचना मार्फत जेठ १५ गते भित्र छात्रवृत्ति वितरण गरि सोको जानकारी जेठ १६ गतेसम्म अनिवार्य पेस गर्न भनिएको पनि केही निजी विद्यालयले विवरण उपलब्ध नगराएपछि नामावली सार्वजनिक गरेको हो ।
काठमाडौं महानगरपालिकाको विद्यालय शिक्षा व्यवस्थापन नियमावली २०७४ को नियम ५८ र ५९ एवं काठमाडौं महानगरपालिका शिक्षा ऐन २०७५ को दफा ५० को उलङघन गरी हालसम्म छात्रवृत्ति वितरणको विवरण पेस नगर्ने विद्यालयको नामावली सार्वजनिक गरिएको जनाएको छ ।
साथै जेठ २८ गतेभित्र नियमअनुसार छात्रवृत्ति वितरण गरी सोको विवरण पेस नगरेमा शिक्षा ऐन २०७५ को दफा ५६ को उपदफा ४ बमोजिम विद्यालयलाई प्रदान गरिएको अनुमति वा स्वीकृति रद्द वा प्रचलित कानुन बमोजिम कारबाही गरिने चेतावनी दिएको छ ।
© 2025 All right reserved to khabarcnter.com | Site By : Sobij
