२०८२ भाद्र २ गते सोमवार
२०८२ भाद्र २ गते सोमवार
पश्चिम नवलपरासी । पश्चिम नवलपरासीको रामग्राम नगरपालिका–१० मन्झरियास्थित हुलाकी सडकमा सवारी दुर्घटना हुँदा एक जनाको मृत्यु भएको छ । दुर्घटनामा दुई जना घाइते भएका छन् ।
जिल्ला प्रहरी कार्यालय पश्चिम नवलपरासीका सूचना अधिकारी डीएसपी भोजराज पाण्डेका अनुसार उपचारका क्रममा रामग्राम नगरपालिका–१६ का ३३ वर्षका केशवप्रसाद यादवको मृत्यु भएको छ ।
पूर्वबाट पश्चिमतर्फ जाँदै गरेको लु ७० प ४०५४ नम्बरको मोटरसाइकललाई लु १ च ६७९९ नम्बरको पिकअप भ्यानले ठक्कर दिँदा दुर्घटना भएको हो । घाइतेमध्ये नेमनारायण चौधरीको अवस्था गम्भीर भएकाले उपचारका लागि काठमाडौं रिफर गरिएको छ । इन्दल चौधरीको भैरहवा मेडिकल कलेजमा उपचार भइरहेको प्रहरीले जनाएको छ ।
मोटरसाइकलमा तीन जना सवार रहेको र ठक्कर दिने सवारी र चालकलाई जिल्लाको सुनवल नगरपालिका भुमहीबाट नियन्त्रणमा लिइएको छ ।
© 2025 All right reserved to khabarcnter.com | Site By : Sobij
