२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । सरकारले आगामी जेठ ९ गते ट्रेजरी बिलमार्फत ३४ अर्ब २० करोड रुपैयाँ आन्तरिक ऋण उठाउने भएको छ ।
केन्द्रीय बैंकले मंगलबार ३४ अर्ब २० करोड ३२ लाख रुपैयाँ बराबरको ट्रेजरी बिलको बोलकबोल गर्ने भएको हो । २८ दिने, ९१ दिने, १८२ दिने र ३६४ दिने गरी ४ किसिमको ट्रेजरी बोलकबोल गर्न लागेको बैंकले ३२ अर्ब २० करोड ३२ लाख रुपैयाँ पुरानो ट्रेजरीको नवीकरण गरेर बाँकी २ अर्ब रुपैयाँ नयाँ ट्रेजरी जारी गर्न लागेको हो ।
मंगलबार बोलकबोल हुने ट्रेजरीका लागि दरखास्त दिन बैंकले सार्वजनिक सूचना जारी गरेको छ । जेठ ८ गते दिउँसो ३ बजेट बोलकबोल हुने ट्रेजरीको निष्काशन बुधबार अर्थात् वैशाख जेठ ९ गते हुनेछ ।
इच्छुक बैंक तथा वित्तीय संस्थाहरुले मंगलबार दिउँसो ३ बजेसम्म अनलाइन आवेदन दिन सक्नेछन् । कूल निष्काशन बिलमध्ये ८५ प्रतिशत प्रतिस्पर्धात्मक प्रणालीबाट र १५ प्रतिशत विना प्रतिस्पर्धाबाट बिक्री गरिने बैंकले जनाएको छ । यसअघि बैंकले जेठ २ गते २४ अर्ब ७४ करोड रुपैयाँ बराबरको ट्रेजरी बिक्री गरेको थियो ।
© 2025 All right reserved to khabarcnter.com | Site By : Sobij
