२०८२ फाल्गुण २४ गते आइतवार
२०८२ फाल्गुण २४ गते आइतवार
कामना सेवा विकास बैंकको प्रमुख कार्यकारी अधिकृत (सीईओ) दिनेश थकाली बन्ने भएका छन् ।
प्रभु बैंकको चिफ बिजनेश अफिसर रहेका थकाली कामना सेवाको सीईओ बन्ने भएका हुन् । स्रोतका अनुसार कामना सेवाको संचालक समितिको बैठकले थकालीलाई सीईओमा नियुक्तिकाे लागी व्यावसायिक प्रश्तुतिकरण लिइएकाे थियाे ।
थकालीलाई प्रमुख कार्यकारी अधिकृतको रुपमा बुधवार नै नियुक्ति गर्ने तयारी रहेको कामना सेवाको उच्च स्रोतले अर्थपथलाई बताएकाे छ । बैंकको सीईओ पदमा लागि छुट्टा-छुट्टै ३ जना बोलाइएको थियो । ‘रिक्त रहेको सीईओ पदका लागि कुमारी बैंक चिफ अपरेटिङ अफिसर मुकुन्द सुवेदी, सनराइज बैंकका एशिसटेन्ट जनरल म्यानेजर हरीप्रसाद आचार्य र प्रभु बैंकका चिफ बिजनेश अफिसर दिनेश थकालीलाई अन्तर्वार्ताका लागि बोलाएको थियो । उहाँहरुमध्ये दिनेश थकालीलाई छनौट गरिएको बैंक स्राेतले बताएकाे छ ।
बुधवार कामना सेवाको सीईओ बन्न लागेका थकालीको प्रभु बैंकले राजिनामा भने स्वीकृत गर्न बाँकी रहेकाे छ । उनको राजिनामा स्वीकृत लगत्तै कामनाको सीईओ बन्नेछन् ।
थकाली यसअघि प्रभु क्यापिटलको प्रवन्ध निर्देशक पनि भईसकेका व्यक्ति हुन् । साँढे २ वर्षमा प्रभु क्यापिटललाई हाइटमा पुर्याएका थकाली पछिल्लाे समय बैंककाे कमाण्ड सम्हाल्न पुगेकाे थिए ।
थकाली चार्टर्ड एकाउन्टेन्ट हुन् । उनी प्रभु बैंक आउनअघि सांग्रिला डेभलपमेन्ट बैंककाे कामु सीईओ थिए ।
कामना सेवा बैंकमा कामुसीईओ विनय दाहाल रहेका छन ।
© 2026 All right reserved to khabarcnter.com | Site By : Sobij
