२०८२ फाल्गुण २४ गते आइतवार
२०८२ फाल्गुण २४ गते आइतवार
युनियन लाइफ इन्स्योरेन्स कम्पनी लिमिटेडको विशेष साधारणसभाले प्राइम लाइफ इन्स्योरेन्स कम्पनी लिमिटेड र गुराँस लाइफ इन्स्योरेन्स कम्पनी लिमिटेड एक–आपसमा गाभ्ने–गाभिने (मर्जर)सम्बन्धी अन्तिम प्रस्ताव पारित गरेको छ ।
विशेष साधारणसभाले मर्जरपश्चात् बन्ने जीवन बिमा व्यवसाय गर्ने कम्पनीको नाम हिमालयन लाइफ इन्स्योरेन्स लिमिटेड कायम गरी उक्त नामबाट जीवन बिमा व्यवसाय सञ्चालन गर्नेसम्बन्धी प्रस्तावसमेत पारित गरेको जनाइएको छ ।
साथै, तीनवटै कम्पनीको सेयर अनुपात क्रमशः १ः१ कायम गर्ने, मर्जरसम्बन्धी कार्यका लागि गरिएको अन्तिम सम्झौतापत्र, सहमतिपत्र तथा अन्य भए–गरेका मर्जरसम्बद्ध सम्झौताको अनुमोदन गर्ने प्रस्ताव पनि पारित भएको जनाइएको छ ।
त्यस्तै, चल–अचल सम्पत्ति तथा दायित्व मूल्यांकन प्रतिवेदन तयार गर्नका लागि नियुक्त लेखापरीक्षक–मूल्यांकनकर्ताको नियुक्ति तथा पारिश्रमिकको अनुमोदन, एक–आपसमा गाभ्ने–गाभिने प्रयोजनका लागि बाँकी काम कारबाही प्रक्रिया अगाडि बढाउन सञ्चालक समितिलाई अख्तियारी दिएको छ ।
© 2026 All right reserved to khabarcnter.com | Site By : Sobij
