२०८२ मंसिर १ गते सोमवार
२०८२ मंसिर १ गते सोमवार
काठमाडौँ । नेपाली काँग्रेस शेखर कोइराला र गगन कुमार थापा पक्षले तीन मन्त्री र एक राज्यमन्त्री पाउँने भएको छ ।
बिहिवार बालुवाटारस्थित नेता कोइरालाको सचिवालयमा बसेको संस्थापनइतर समूहले तिन मन्त्री र एक राज्यमन्त्री पाउने भएपछि अब भने मन्त्रीहरूको लिस्ट पठाउने निर्णय गरेको छ ।
काँग्रेसले ८ मन्त्रालय पाएको छ जसमा काँग्रेसले ४ जनालाई मन्त्री बनाइसके पनि कोइराला पक्षसँग कुरा नमिल्दा बाँकि मन्त्री पठाएको थिएन ।
यस भन्दा अगाडि काँग्रेसले पठाएका उपसभापति पूर्णबहादुर खड्का उपप्रधान तथा रक्षामन्त्री, प्रवक्ता प्रकाशशरण महत अर्थमन्त्री, नेताहरू रमेश रिजाल उद्योग मन्त्री र सीता गुरुङ सहरी विकास मन्त्री बनेका थिए।
संस्थापनइतर समूह शेखर-गगन पक्षबाट ३ मन्त्री र एक राज्यमन्त्री हुनेछन्। उपसभापति धनराज गुरुङ, सहमहामन्त्रीद्वय बद्री पाण्डे र जीवन परियार, सांसद डिगबहादुर लिम्बु, सुरेन्द्र आचार्य, राजेन्द्र बजगाईँ, मैना रावललगायत मन्त्रीका लागि आकाङ्क्षी रहेका छन्।
© 2025 All right reserved to khabarcnter.com | Site By : Sobij
