२०८२ आश्विन २७ गते सोमवार
२०८२ आश्विन २७ गते सोमवार
सूर्यज्योति लाइफ इन्स्योरेन्सको एमडिआरटी मिट सम्पन्न भएको छ । धुलिखेल काभ्रेपलाञ्चोकमा आयोजित उक्त कार्यक्रममा एमडिआरटी २०२३ का लागि मनोनित सदस्यहरूलाई सम्मान गरिएको थियो ।
कार्यक्रममा सम्पूर्ण एमडिआरटीहरूको सम्मान, सिओटि हुन सफल गौरब कुमार शाही र टिओटि कमलप्रसाद घिमिरेलाई विशेष गरिएको कम्पनीले जनाएको छ । टिओटि कमलप्रसाद घिमिरेलाई रोयल इन्फिल्ड मोटरसाईकल कम्पनीका प्रमुख कार्यकारी अधिकृत प्रकाश विक्रम खत्रीले हस्तान्तरण गरेका थिए ।
कम्पनीका प्रमुख कार्यकारी अधिकृत, वरिष्ठ नायव प्रमुख कार्यकारी अधिकृतहरूले उक्त कार्यक्रममा सिओटि, टिओटि तथा एमडिआरटिहरूलाई सम्मान गर्नुका साथै उत्प्रेरणात्मक तालिम प्रदान गरेका थिए ।
कार्यक्रममा उपस्थितहरूले एकसाथ कम्पनीको २०८० सालको क्यालेन्डर अनावरण गरेका थिए । उक्त क्यालेन्डरमा देशका विभिन्न स्थानहरुबाट सूर्यज्योति झल्किने मनमोहक तस्बिरहरू समावेश गरिएको छ ।
यस कार्यक्रमले आगामी वर्षहरूमा एमडिआरटि सङ्ख्या अझ बृद्धि गर्ने हौसला मिलेको सिओटि शाहीले जानकारी दिए । त्यस्तै, टिओटि घिमिरले अभिकर्ता पेशालाई मर्यादित बनाउन अहोरात्र आफू खटिने जानकारी गराए ।
वरिष्ठ नायव प्रमुख कार्यकारी अधिकृत पवन कुमार खड्काले सदैव लक्ष्य उच्च राखेमा अवश्य सफलता हासिल गर्न सकिन्छ भन्ने सन्देश कार्यक्रममा व्यक्त गरेका थिए ।
प्रमुख कार्यकारी अधिकृत प्रकाश विक्रम खत्रीले आगामी वर्षमा तुलनात्मक हिसाबले एमडिआरटीहरूको सङ्ख्यामा वृद्धि गर्न हौसला दिँदै आजैबाट आफ्नो गन्तव्यतिर लाग्न प्रेरित गरेका थिए ।
सूर्या लाइफ र ज्योति लाइफको सफल मर्जर पश्चात बनेको ISO 9001:2015 बाट सम्मानित सुर्यज्योति लाइफ इन्स्योरेन्स कम्पनी लिमिटेडको हाल चु्क्ता पूँजी रु.४.५४ अर्ब रहको र देशभर १८१ शाखा कार्यालयहरूबाट सेवा प्रदान गर्दै आएको छ ।
© 2025 All right reserved to khabarcnter.com | Site By : Sobij
