२०८२ फाल्गुण २४ गते आइतवार
२०८२ फाल्गुण २४ गते आइतवार
अब बीमा कम्पनीहरुले विदेशमा पनि शाखा खोल्न पाउने भएका छन् । नेपाल बीमा प्राधिकरणले जारी गरेको बीमक शाखा कार्यालय सम्वन्धी निर्देशिका, २०७९ ले यस्तो व्यवस्था गरेको हो ।
सो व्यवस्था बमोजिम अब बीमकले प्राधिकरणको पूर्व सहमति लिई विदेशमा आफ्नो कार्यालयको शाखा, सम्पर्क वा प्रतिनिधि कार्यालय खोल्न सक्नेछन् । (२ ) उपदफा (१) बमोजिम विदेशमा शाखा, सम्पर्क वा प्रतिनिधि कार्यालय खोल्दा प्राधिकरणले तोकेको न्युनतम चुक्ता पुँजी कायम गरेको हुनुपर्नेछ ।बीमक तथा बीमकका संचालकलाई प्राधिकरणबाट कुनै कारवाही भएको भए त्यस्तो कारबाही भएको ६ महिना पुरा भईसकेको हुनुपर्ने निर्देशिकामा उल्लेख छ ।
विदेशमा शाखा विस्तारसंगै नेपालमा विदेशी मुद्रा आर्जन राम्रो हुने अपेक्षा गरिएको छ । नेपाली बीमा कम्पनीहरुको पुँजी बढ्दै गएकोले पनि विदेशमा पनि शाखा खोल्न नियमावलीमा समेटिएको प्राधिकरणले जनाएको छ । नेपाली बीमा कम्पनीहरुले विदेशी मुलुकमा शाखा कार्यालय संचालन गरि व्यवसाय विस्तार गर्न पाउनेछन् ।
उपत्यकामा थप १ शाखा संचालनका लागि बाहिर तीन शाखा अनिवार्य
अब बीमा कम्पनीहरुले काठमाडौं उपत्यकामा थप १ शाखा संचालनका लागि बाहिरि (उपत्यका बाहिर) तीन वटा शाखा संचालनमा ल्याउनुपर्ने भएको छ ।
काठमाडौँ उपत्यका बाहिर तीन वटा शाखा खोली सञ्चालनमा ल्याए पश्चात मात्र काठमाडौँ उपत्यकामा थप एक शाखा खोल्न स्वीकृति प्रदान गर्न सकिने प्राधिकरणले जनाएको छ ।
यसका साथै काठमाडौँ उपत्यका बाहिर खोल्ने तीन शाखा मध्ये कम्तिमा दुई शाखा नगरपालिका वा गाउँपालिकामा खोलिएको हुनुपर्ने प्राधिकरणले जनाएको । जसले बीमाको पहुँचका व्यापार विस्तार गर्ने थप सहयोग पुग्नेछ ।
यस्तो छ बीमकको शाखा कार्यालय सम्वन्धी निर्देशिका, २०७९
© 2026 All right reserved to khabarcnter.com | Site By : Sobij
