२०८२ मंसिर ५ गते शुक्रवार
२०८२ मंसिर ५ गते शुक्रवार
सानिमा बैंक लिमिटेडले अन्तर्राष्ट्रिय नारी दिवसको अवसरमा विशेष योजना सार्वजनिक गरेको छ । बैंकले नारी दिवसलाई लक्षित गर्दै ‘बचत र क्यासब्याक सँगसँगै’ योजना सार्वजनिक गरेको हो ।
उक्त योजना २०७९ चैत्र १ गतेसम्म लागू हुने बैंकले जनाएको छ । योजना अवधिभर नारी बचत खाता खोल्ने ग्राहकलाई बैंकले निःशुल्क डेबिट कार्ड र मोबाइल बैंकिङ्ग जारी गर्नेछ ।
यसका साथै, उक्त ग्राहकहरूलाई कार्ड वा क्यूआर कोडबाट गरिने पहिलो भुक्तानीमा १० प्रतिशत वा रु. ५०० सम्मको क्यासब्याक प्रदान गरिने बैंकले जनाएको छ । क्यासब्याक चैत्र १७ गतेसम्म गरिने कारोबारमा लागू हुनेछ ।
सानिमा बैंकले नारीहरूको सम्मानमा सो योजना ल्याएको हो । बैंकको वेबसाइटबाटै अनलाइनमार्फत सानिमा नारी बचत खाता खोल्न सकिनेछ । सानिमा बैंकको सातै प्रदेशमा १३० कार्यालयहरु र १२३ वटा एटिएम सञ्जालहरू सञ्चालनमा रहेका छन् ।
© 2025 All right reserved to khabarcnter.com | Site By : Sobij
