आठ दलीय कार्यदलको बैठक सिंहदरबारमा जारी

खबरसेन्टर डेस्क

फाल्गुण २३, २०७९ मंगलवार

1.9K

आठ दलीय गठबन्धनको कार्यदलको बैठक सुरु भएको छ । कांग्रेस संसदीय दलको कार्यालय सिंहदरबारमा दिउँसो २ बजेदेखि बैठक जारी छ ।

कांग्रेस उपसभापति पूर्णबहादुर खड्का नेतृत्वको कार्यदलमा राष्ट्रपति निर्वाचनबारे छलफल भइरहेको छ ।

उक्त कार्यदलमा माओवादी केन्द्रका तर्फबाट महासचिव देव गुरुङ, एकीकृत समाजवादीबाट महासचिव बेदुराम भुसाल, जनता समाजवादी पार्टीबाट राजेन्द्र श्रेष्ठ र जनमत पार्टीबाट अब्दुल खाँ रहेका छन्।

यस्तै लोकतान्त्रिक समाजवादी पार्टीबाट शरतसिंह भण्डारी, नागरिक उन्मुक्ति पार्टीबाट रञ्जिता श्रेष्ठ र राष्ट्रिय जनमोर्चाबाट चित्रबहादुर केसी रहेका छन्।

फागुन २५ मा हुने राष्ट्रपति निर्वाचनमा गठबन्धनबाट कांग्रेस वरिष्ठ नेता रामचन्द्र पौडेल उम्मेदवार छन् भने एमालेले उपाध्यक्ष सुवासचन्द्र नेम्वाङलाई अगाडि सारेको छ ।

प्रकाशित मिति :फाल्गुण २३ २०७९ मंगलवार - १५:०२:५६ बजे

प्रतिक्रिया