२०८२ भाद्र ३ गते मंगलवार
२०८२ भाद्र ३ गते मंगलवार
भक्तपुर चाँगुनारायण नगरपालिका वडा नम्बर ८ सुडालका एक युवाले आत्महत्या गरेका छन् ।
लामो समय देखि घर जग्गाको कारोबारमा संलग्न रहँदै आएका श्याम तिमिल्सिनाले विभिन्न व्यक्तिसँग पैसा लिएको तर तिर्न नसके पछि आत्महत्या गरेको पाइएको हो। मिटर व्याजीले एक लाखको मासिक ८ हजारदेखि १५ हजारसम्म व्याज लगाउन थालेपछि उनी आत्महत्या नै गर्न बाध्य भएको उनका आफन्तले बताएका छन् ।
करिब ७ करोड भन्दा बढी पैसा उनले मिटर ब्याजमा बजारबाट लिएको देखिएको छ । आफ्नो फसेको रकम असुल्न लिएको ऋणले उनलाई मृत्युको बाटोमा पुर्याएको हो ।
तिमिल्सिनाले विष सेवन गरी आत्महत्या गरेका हुन् । उनका स-साना तीन सन्तान रहेका छन्। तिमिल्सिनाको मृत्यु पछि अब ऋण दिने मिटरव्याजीले दुःख दिने भन्दै परिवारमा त्रास फैलिएको छ । -न्युजकारखानाबाट
© 2025 All right reserved to khabarcnter.com | Site By : Sobij
