२०८२ मंसिर ५ गते शुक्रवार
विराटनगर । प्रदेश १ को प्रदेशसभा सचिवालयले प्रदेशको नाममा आजै निर्णय गर्ने कार्यसूची बनाएको छ ।
प्रदेश सभा सचिवालयका सचिव गोपालप्रसाद पराजुलीका अनुसार संविधानको धारा २९५(२) बमोजिम आजको बैठकमा नामकरणका लागि प्रस्ताव पेस हुने र आजै निर्णय हुने कार्यसूची छ । प्रदेश सभाको पहिलो अधिवेशनको १३ औं बैठक आज दिउँसो बस्दैछ ।
प्रदेश १ को नाम टुङ्गो लगाउन दलहरु सहमत छन् । नेपाली कांग्रेस र नेकपा एमालेले कोसी नाम प्रस्ताव गर्ने तयारी गरेका छन् । माओवादी केन्द्रसहित साना दलले पहिचानसहितको नाम प्रस्ताव गर्ने तयारी गरेका छन् ।
प्रदेश सभा सचिवालयले सांसदहरूलाई प्रदेशको नामसम्बन्धी प्रस्ताव सचिवालयमा दर्ताका लागि पनि सूचना जारी गरेको छ ।
© 2025 All right reserved to khabarcnter.com | Site By : Sobij
