२०८२ मंसिर ५ गते शुक्रवार
२०८२ मंसिर ५ गते शुक्रवार
प्रदेशसभाका ११ जना सांसद सदस्य रहने गरी गण्डकी प्रदेशसभा नियमावली मस्यौदा समिति गठन गरिएको छ ।
प्रदेशसभाको बुधबारको बैठकमा नेकपा एमाले सांसद गोविन्दबहादुर नेपालीले ११ सदस्य रहने मस्यौदा समिति गठनको प्रस्ताव प्रस्तुत गरे । उनको प्रस्तावको समर्थक कांग्रेसका विन्दुकुमार थापा र प्रस्तावक नेकपा माओवादी केन्द्रकी सुशीला सिम्खडा रहे । प्रस्ताव बुधबारकै बैठकबाट पारित भएको छ ।
समितिमा नेपाली कांग्रेसबाट विन्दुकुमार थापा, चम्पादेवी खड्का, महेन्द्रध्वज जिसी, नन्दप्रसाद न्यौपाने, नेकपा एमालेबाट गोविन्दबहादुर नेपाली, सुधिरकुमार पौडेल, भीमबहादुर कार्की, नेकपा माओवादी केन्द्रबाट सुशीला सिम्खडा, कुसुम बुढा, फणीन्द्र देवकोटा र राप्रपाकी विन्दु अधिकारी पहाडी सदस्य छन् ।
यीमध्ये एक जनालाई समितिको सभापति चयन गरिने छ । यो समितिलाई मस्यौदा तयार पार्न फागुन मसान्तसम्मको समय दिइएको छ ।
© 2025 All right reserved to khabarcnter.com | Site By : Sobij
