२०८२ मंसिर ६ गते शनिवार
२०८२ मंसिर ६ गते शनिवार
काठमाडौँ । राष्ट्रिय स्वतन्त्र पार्टीका प्रमुख सचेतक सन्तोष परियारले पुरानो राजनीतिक सहमति कायम भए तत्काल सरकारमा जाने बताएका छन् । सोमबार भक्तपुरमा आयोजित एक कार्यक्रममा परियारले सरकार गठनका बेला भएको सहमति कार्यान्वयन भए तत्काल सरकारमा जाने बताएका हुन् ।
राष्ट्रपतिमा पनि विगतकै सहमति अनुरूप सत्ता गठबन्धनबाटै चयन हुने उनको भनाइ छ । उनले विगतका राष्ट्रपति कुनै न कुनै विवादमा तानिएको बताउँदै अब निष्पक्ष र तटस्थ भूमिका निर्वाह गर्ने सक्ने व्यक्ति राष्ट्रपति चयन गर्नुपर्नेमा जोड दिए ।
परियारले अहिले मुलुकलाई राजनीतिक अस्थिरतातर्फ लैजाने खेलमा रास्वपा नलाग्ने स्पष्ट पारे । उनले वैशाख २ गते चितवन क्षेत्र नं. २ मा हुने उपनिर्वाचनमा रास्वपाले आफ्ना पार्टी सभापति रवि लामिछानेलाई नै उम्मेदवार बनाउने बताए ।
उनले आफ्नो पार्टीको वैचारिक लाइन लोकतन्त्र, सामाजिक न्याय र समावेशिता रहेको बताउँदै आगामी महाधिवेशनमा यही विषय दस्ताबेजमा समेटिने बताए ।
© 2025 All right reserved to khabarcnter.com | Site By : Sobij
