२०८२ मंसिर १४ गते आइतवार
२०८२ मंसिर १४ गते आइतवार
चालु आर्थिक वर्षको दोस्रो त्रैमाससम्म आइपुग्दा नेपाल बैंकको खुद नाफा १७.३९ प्रतिशतले घटेको छ ।
गत वर्षको दोस्रो त्रैमासमा १ अर्ब ४१ करोड ७० लाख ५८ हजार रुपैयाँ खुद नाफा कमाएको यस बैंकको खुद नाफा चालु आर्थिक बर्षको सोहि अवधिमा १ अर्ब १७ करोड ६ लाख ५५ हजार रुपैयाँ कायम भएको छ । सो अवधिसम्ममा बैंकको वितरणयोग्य नाफा भने १९ करोड ८३ लाख रुपैयाँ ऋणात्मक रहेको छ ।
पुस मसान्तसम्म आइपुग्दा बैंकको खुद ब्याज आम्दानी ३ अर्ब ८४ करोड ८८ लाख ७४ हजार रुपैयाँ पुगेको छ । गत आवको सोही अवधिमा ३ अर्ब २ करोड ४९ लाख ३० हजार रुपैयाँ खुद ब्याज आम्दानी गरेको बैंकले यस बर्ष भने यस्तो रकम २७.२४ प्रतिशतले वृद्धि भएको हो ।
यता, बैंकको सञ्चालन नाफा भने ७.३८ प्रतिशतले घटेर १ अर्ब ५१ करोड ४५ लाख ८५ हजार रुपैयाँमा झरेको छ । गत वर्ष उक्त नाफा १ अर्ब ६३ करोड रुपैयाँ भन्दा धेरै थियो । यसको इम्पेयरमेन्ट चार्ज ३२.१८ प्रतिशतले बढेर ५१ करोड २१ लाख पुगेको छ । गत वर्ष बैंकले उक्त चार्ज बापत ३८ करोड ७४ लाख रुपैयाँ छुट्याएको थियो ।
पुस मसान्तसम्म आइपुग्दा बैंकको प्रतिसेयर आम्दानी ३.७४ रुपैयाँले घटेर १५.९३ रुपैयाँ पुगेको छ । गत वर्षको यसैअवधिमा बैंकको प्रतिसेयर आम्दानी १९.६७ रुपैयाँ थियो । प्रतिसेयर नेटवर्थ २३८.०२ रुपैयाँ छ । खराब कर्जा अनुपात ३.११ प्रतिशत पुगेको छ ।
© 2025 All right reserved to khabarcnter.com | Site By : Sobij
