२०८२ माघ १५ गते बिहिवार
२०८२ माघ १५ गते बिहिवार
नेकपा एमालेका सांसद देवराज घिमिरे प्रतिनिधिसभाको सभामुख निर्वाचित भएका छन् । प्रतिनिधिसभाका बहुमत सांसदको समर्थनमा घिमिरे सभामुखमा निर्वाचित भएका हुन् ।
सभामुखमा नेकपा एमालेका देवराज घिमिरे निर्वाचित भएका छन् । प्रतिनिधिसभामा बिहीबार उनलाई सभामुख निर्वाचित गरियोस् भन्ने प्रस्तावको पक्षमा १६७ र विपक्षमा १०० मत पर्यो ।
प्रतिनिधिसभाका २७५ मध्ये २६८ जना मतदानमा सहभागी भएका थिए । एक जना सांसद भने तटस्थ रहे ।
घिमिरेलाई नेकपा एमाले, नेकपा (माओवादी केन्द्र), राष्ट्रिय स्वतन्त्र पार्टी, राप्रपा, जसपा, जनमत र नागरिक उन्मुक्ति पार्टी तथा ३ स्वतन्त्र सांसदले समर्थन गरेका थिए ।
त्यसअघि प्रतिनिधिसभा बैठकमा एमाले उपाध्यक्ष सुवास नेम्वाङले घिमिरेलाई सभामुख निर्वाचित गरियोस् भन्ने प्रस्ताव पेश गरेका थिए ।
स्वतन्त्र सांसद स्वागत नेपाललाई पराजित गर्दै घिमिरे झापा–२ बाट प्रतिनिधिसभा सदस्यमा निर्वाचित भएका थिए ।नेपाली कांग्रेसले ईश्वरी न्यौपानेलाई सभामुखको उम्मेदवार बनाएको थियो ।
© 2026 All right reserved to khabarcnter.com | Site By : Sobij
