२०८२ माघ १६ गते शुक्रवार
२०८२ माघ १६ गते शुक्रवार
कर्णाली प्रदेश सभाको दोस्रो कार्यकालको पहिलो अधिवेशनको आज बस्दैछ । गत बुधबारको मन्त्रिपरिषद्को बैठकले प्रदेश प्रमुखको कार्यालयलाई बैठक आह्वानका लागि पत्र पठाएसँगै आज पहिलो बैठक बस्न लागेको हो ।
प्रदेश प्रमुख तिलक परियारले नेपालको संविधानको धारा १८३ को उपधारा (१) बमोजिम आज दिउसो १ः०० बजे बस्ने गरी अधिवेशन आह्वान गरेका थिए । प्रदेशसभाको दोस्रो कार्यकालको प्रथम अधिवेशनमा कार्यवाहक सभामुखका रूपमा कर्णाली प्रदेशसभाका ज्येष्ठ सदस्य विनोदकुमार शाहले अध्यक्षता गर्ने छन् ।
यस्तै पहिलो अधिवेशनको लागि प्रदेश सभा सचिवालयले सर्वदलीय बैठक बोलाएको छ । प्रदेश सभाका ज्येष्ठ सदस्य विनोद कुमार शाह अहिले ११ बजे सर्वदलीय बैठक आह्वान गरेका हुन् ।
कर्णाली प्रदेश सभामा एक जना स्वतन्त्रसहित पाँच वटा दलहरूको प्रतिनिधित्व रहेको छ । संसद्मा नेपाली कांग्रेसका १४, नेकपा (माओवादी केन्द्र) का १३, नेकपा एमालेका १०, रापप्रा र नेकपा (एकीकृत समाजवादी) को १/१ र एक जना स्वतन्त्र सांसद छन् ।
© 2026 All right reserved to khabarcnter.com | Site By : Sobij
