२०८२ भाद्र १४ गते शनिवार
२०८२ भाद्र १४ गते शनिवार
चर्चित गायक सुनिल गिरीको नयाँ गीत ‘जुम्ला’ले युट्युबमा राम्रो भ्युज पाएको छ ।शुक्रबार काठमाडौंमा एक कार्यक्रमकाबीच सार्वजनिक गरिएको गीतको भिडियोले युट्युबमा शनिबार दिउँसोसम्म ३ लाख १० हजार बढी भ्युज पाइसकेको छ । सार्वजनिक भएको छोटो समयमै गीत युट्युब ट्रेन्डिङमा समेत अगाडि आइरहेको छ ।
अमन निलसागरसँग मिलेर शब्द लेखेका गिरीले गीतमा संगीत एवं संगीत संयोजन भने आफैले गरेका हुन् ।
जुम्लाको मनोरम दृश्यहरुमा खिचिएको भिडियोमा चर्चित टिकटकर मिस पबि र रोसन केसीको अभिनय छ । डडेलधुराकी मिस पबिले टिकटकमा झण्डै ९ लाख फ्लोअर्स कमाएकी छिन् ।
गायक गिरीकै स्टोरी र कन्सेप्टमा तयार भएको भिडियोलाई शिशिर खातीले निर्देशन गरेका हुन् । बिवेक बिकको छायाँकन रहेको भिडियो मनोज कार्कीको सम्पादनपश्चात सार्वजनिक भएको हो ।
प्रतिनिधी सभाको निर्वाचनमा प्रधानमन्त्री शेरबहादुर देउवाविरुद्ध स्वतन्त्र उम्मेद्वार बनेका सागर ढकाल, जुम्लाबाट प्रतिनिधिसभामा निर्वाचित सांसद ज्ञानेन्द्र शाही, सरसफाई अभियन्ता केपी खनाल लगायतको उपस्थितिमा भिडियो सार्वजनिक गरिएको थियो ।
आफूलाई प्रकृतिप्रेमी बताउने गायक गिरीले आफ्ना गीतहरूमार्फत विभिन्न जिल्लाहरूको सुन्दरतालाई समेत प्रस्तुत गर्दै आएका छन् ।
© 2025 All right reserved to khabarcnter.com | Site By : Sobij
