सिभिल बैंकको साधारण सभा पुस २८ मा, के-के छन् एजेन्डा ?

पौष ७, २०७९ बिहिवार

2.6K

सिभिल बैंकको साधारण सभा पुस २८ मा, के-के छन् एजेन्डा ?

सिभिल बैंकले पुस २८ गते वार्षिक साधारण सभा गर्ने भएको छ । सभा अमृतभोग, कालिकास्थान काठमाडौंमा बिहान ११ बजेबाट सुरु हुनेछ । सभामा बैंकले गत आर्थिक वर्षको नाफाबाट ५% बोनस सेयर र कर तिर्न ०.२६% नगद लाभांश वितरण गर्ने प्रस्ताव पेश गर्नेछ । यस्तै, प्रबन्धपत्र तथा नियमावली संशोधन गर्ने प्रस्ताव पनि हुनेछ ।

सभामा यस बैंकलाई हिमालयन बैंकले १००ः८०.२८ सेयर स्वाप रेसियोमा प्राप्ति गर्नका लागि अन्तिम स्वीकृति प्रदान गर्ने विशेष प्रस्ताव पनि रहेको छ । त्यस्तै, गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरणलगायतमा पनि छलफल हुनेछ ।

आर्थिक वर्ष २०७९–८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि रहेको छ । सभा प्रयोजनका लागि बैंकले पुस १९ गते बुक क्लोज गर्ने भएको छ । तसर्थ, पुस १८ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।

प्रकाशित मिति :पौष ७ २०७९ बिहिवार - ११:४५:५५ बजे

प्रतिक्रिया