२०८२ माघ १६ गते शुक्रवार
२०८२ माघ १६ गते शुक्रवार
चोलेन्द्र शमशेर जबराको महाभियोग निष्क्रिय भएको पत्र लिएर प्रधानन्यायाधीशका रूपमा सर्वोच्च अदालतमा हाजिर हुने तयारी गरेपछि बार आन्दोलित भएको छ ।
महाभियोग प्रस्ताव संसद्का कर्मचारीले निष्क्रिय गर्न नमिल्ने भएकाले चोलेन्द्रलाई स्वीकार्न नसकिने भन्दै नेपाल बार एसोसिएसन र सर्वोच्च अदालत बार एसोसिएसन संयुक्तरूपमा आन्दोलित बनेको हो ।
दुवै बारको संयुक्त आयोजनामा कानून व्यवासायीहरू सर्वोच्च अदालतको प्रवेशद्वारमा धर्नामा बसेका छन् ।
महाभियोग निष्क्रिय गर्ने अधिकार संसदमा मात्र रहेको तर्क बारको छ । बारले यसअघि पनि चोलेन्द्रविरुद्ध आन्दोलन गर्दै आएको थियो ।
संसद् सचिवालयका महासचिव डा. भरत गौतमले महाभियोग प्रस्ताव निष्प्रभावी भएको व्यहोराको पत्र बुधवार चोलेन्द्रलाई थमाएका थिए । उक्त पत्र सचिवालयबाट सर्वोच्च अदालतमा पनि पुगिसकेको छ ।
पत्र पाएपछि आरोपबाट क्लीन चिट मिलेको भन्दै चोलेन्द्र सर्वोच्च अदालत जाने तयारीमा छन् । उनी ३ बजे हाजिर हुने तयारी रहेको चोलेन्द्र निकट स्रोतले जनाएको छ ।
© 2026 All right reserved to khabarcnter.com | Site By : Sobij
