२०८२ माघ १६ गते शुक्रवार
२०८२ माघ १६ गते शुक्रवार
काठमाडाैं। प्रतिनिधिसभाको समानुपातिकतर्फ १ कराेड ३ लाख ७९ हजार मतगणना सकिएको छ । अहिलेसम्म एक करोड ३ लाख ७९ हजार भोट गन्दा नेकपा एमाले– २७ लाख ७२ हजार ९८५ मत पाएको छ ।
नेपाली कांग्रेसले २६ लाख ४३ हजार २९६ मत पाएको छ । यस्तै, नेकपा माओवादी केन्द्रले ११ लाख ६१ हजार १७३ मत पाएको छ । राष्ट्रिय स्वतन्त्र पार्टीले १० लाख ९७ हजार ७ सय ८९ मत पाएको छ ।
राष्ट्रिय प्रजातन्त्र पार्टीले ११ लाख १९ हजार ४१६मत पाउँदा जनता समाजवादी पार्टीले ४ लाख २० हजार ९२८ मत पाएको छ ।
जनमत पार्टीको खातामा ३ लाख ९४ हजार ३४० तथा नेपाल कम्युनिस्ट पार्टी एकीकृत समाजवादीले २ लाख ९४ हजार १८ मत पाएको छ । नागरिक उन्मुक्ति पार्टीले २ लाख ७१ हजार ६५७ मत पाएको छ । लोकतान्त्रिक समाजवादी पार्टी नेपालले १ लाख ६७ हजार २७८ मत पाएको छ ।
यो निर्वाचनमा जम्मा १ करोड ७९ लाख ८८ हजार पाँच सय ७० मतदाता थिए । त्यसमध्ये ६१ प्रतिशत अर्थात् करिब १ करोड ९ लाख हाराहारीमा मत खसेको थियो ।
राजनीतिक दलसम्बन्धी ऐनमा प्रतिनिधिसभाको निर्वाचनमा समानुपातिक निर्वाचन प्रणालीतर्फ खसेको सदर मतको कम्तीमा ३ प्रतिशत मत र पहिलो हुने निर्वाचित हुने निर्वाचन प्रणालीतर्फ एक सिट प्राप्त गर्ने दलले मात्र राष्ट्रिय दलको मान्यता प्राप्त गर्ने उल्लेख छ ।
© 2026 All right reserved to khabarcnter.com | Site By : Sobij
