Logo

२०८२ भाद्र १४ गते शनिवार

२०८२ भाद्र १४ गते शनिवार

फिल्म ‘मीलन’ को नयाँ गीत ‘तिम्रो इसारा काफी छ’ सार्वजनिक, आयो यस्तो अवसर

फिल्म ‘मीलन’ को नयाँ गीत ‘तिम्रो इसारा काफी छ’ सार्वजनिक, आयो यस्तो अवसर


  • 3.5K
    Shares

    फिल्म ‘मीलन’ को नयाँ गीत ‘तिम्रो इसारा काफी छ’ सार्वजनिक, आयो यस्तो अवसर
    images

    फिल्म ‘मीलन’ को नयाँ गीत ‘तिम्रो इसारा काफी छ’ सार्वजनिक गरिएको छ । गीतमा प्रबिशा अधिकारी र कौशलराज खड्काको स्वर, राजु सेन्चुरीको शब्द तथा संगीत छ । कविराज गहतराजको कोरियोग्राफी रहेको गीतको भिडियोमा अभिनेता कुशल शाह ठकुरी र अभिनेत्री शिल्पा थापाको अभिनय देख्न सकिन्छ ।

    कात्तिक १८ गतेबाट सार्वजनिक प्रदर्शनमा आउने यो फिल्मको गीतमा निर्माण युनिटले टिकटक प्रयोगकर्ताका लागी नयाँ अफर ल्याएको छ । सार्वजनिक उक्त गीतमा टिकटक बनाउने तथा गीतको क्लिप अपलोड गर्नेहरुका लागी नगद सहितको पुरस्कार पाउन सक्ने योजना ल्याएको हो । 

    सार्वजनिक गरिएको गीतको क्लिप काटेर आफ्नै टिकटकमा अपलोड गर्न सकिनेछ । निर्माण टिमले भ्युजको आधारमा उत्कृष्ट ५ छनौट गरेर क्रमशः २५ हजार, १५ हजार, १० हजार र ५ हजार प्रदान गरिनेछ । 

    यस्तै उक्त गीतमा टिकटक बनाउने उत्कृष्ट १० हजारलाई पनि नगद पुरस्कार दिइने बताइएको छ । 

    टेक पौरखीको निर्देशन रहेको फिल्ममा कुशल शाह ठकुरी, सलोन बस्नेत र अभिनेत्री शिल्पा थापा बिचको त्रिकोणात्मक प्रेम कथा देखाउन खोजिएको छ । फिल्ममा शिशिर बांग्देल, सुमिन गुरुङ, जानुका पौडेल, रेजिना एक्चै मगर, डेनियल खड्का, करन थापा मगर लगायतका कलाकारको पनि अभिनय देख्न सकिन्छ । 

    फिल्ममा द्धन्द्ध निर्देशन कुमार महर्जनको रहेको छ । काठमाडौं र कालिन्चोकमा छायांकन गरिएको यो फिल्मका निर्माता प्रविन थापा हुन् । 

    प्रकाशित मिति :आश्विन १२ २०७९ बुधवार - १०:२९:३७ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2025 All right reserved to khabarcnter.com | Site By : Sobij