२०८२ भाद्र ३ गते मंगलवार
२०८२ भाद्र ३ गते मंगलवार
साविक उच्च माविका देशभरका शिक्षहरुले पेन डाउन गरेका छन् । शिक्षकहरुले विगत ३० वर्षदेखिको समस्या समाधान हुनुपर्ने माग राख्दै आज पेन डाउन गरेका हुन ।
भदौ ३० गते ( साविक उच्च मावि तहका शिक्षकहरुले पेनडाउन कलम बन्द गर्ने ), सो दिन शिक्षक विद्यालय जाने, आन्दोलनको विषयमा विद्यार्थीहरुलाई समेत जानकारी गराउने तर अध्यापन नगर्ने लगायतका आन्दोलनका कार्यक्रम तय गरेको थियो ।
माध्यामिक विद्यालय शिक्षक युनियन नेपाल (हिस्टुन)ले १६ बुँदे माग राख्दै आन्दोलनका कार्यक्रम घोषणा गरेको थियो । आन्दोलनका कार्यक्रम अनुसार आज देशभर साविक उच्च माविका शिक्षकहरुले पेन डाउन गरेका छन् ।
साविक उच्च माविमा आंशिक, अनुदान र अस्थायी दरबन्दीका गरी तीन प्रकारका शिक्षक कार्यरत रहेपनि विगत ३० वर्षदेखी स्थायी दरबन्दीको शिक्षकको व्यावस्था नगरे कै कारण उनीहरु आन्दोलन गर्दै आएका छन् ।
बन्दै गरेको नयाँ शिक्षा ऐनमा साविक उच्च मावि शिक्षकहरुको माग समावेश गरिनुपर्ने माग राख्दै उनीहरु केही दिनदेखि आन्दोलित छन् ।
© 2025 All right reserved to khabarcnter.com | Site By : Sobij
