२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं । नेपाल सरकार, मन्त्रीपरिषद्को निर्णय अनुसार उपरथी दर्जामा पदोन्नति भएका सहायक रथी सन्तोष कुमार ढकाल र सहायक रथी सहदेव खड्कालाई प्रधानसेनापति महारथी पूर्णचन्द्र थापाले शुक्रबार जङ्गी अड्डामा आयोजित एक कार्यक्रमकाबीच उपरथी दर्जाको दर्ज्यानी चिन्ह प्रदान गरेका छन् ।
मंसिर ३ गते बसेको मन्त्रिपरिषद् बैठकले सहायक रथीद्वय ढकाल र खड्कालाई उपरथीमा पदोन्नति गर्ने निर्णय गरेको थियो । सोही निर्णयबमोजिम आज प्रधानसेनापति थापाले दर्ज्यानी चिह्न प्रदान गरेको सैनिक जनसम्पर्क निर्देशनालयले आज विज्ञप्ति जारी गर्दै जनाएको छ ।
दर्ज्यानी चिह्न प्रदानसँगै उपरथी ढकाललाई पूर्वी पृतना हेडक्वाटरको पृतनापति तथा अर्का उपरथी खड्कालाई राष्ट्रिय सुरक्षा परिषद्को सचिवालयमा पदस्थापन गरिएको छ ।
सेनाका रथी तथा अधिकृतहरुको उपस्थिति यो कार्यक्रममा सहायक रथी दर्जामा पदोन्नति भएका चारजना महा(सेनानीहरुलाई पनि दर्ज्यानी चिह्न प्रदान गरिएको थियो ।
© 2025 All right reserved to khabarcnter.com | Site By : Sobij
