२०८२ मंसिर १३ गते शनिवार
२०८२ मंसिर १३ गते शनिवार
आज नेपाली बजारमा सुनचाँदीको मूल्य ह्वात्तै घटेको छ । नेपाल सुनचाँदी व्यवसायी महासंघले आजको बजार भाउ तोक्दै सुनको मूल्य तोलामा १ हजार ४०० रुपैयाँले घटेको जानकारी दिएको हो ।
छापावाल सुनको मूल्य प्रतितोला ९४ हजार ६०० रुपैयाँ छ । यस्तै, तेजाबी सुनको मूल्य प्रतितोला ९४ हजार १०० रुपैयाँ कायम रहेको महासंघले जनाएको छ ।
हिजो बुधबार छापावाल सुनको मूल्य प्रतितोला ९६ हजार रुपैयाँ थियो । यस्तै, हिजो तेजाबी सुनको मूल्य प्रतितोला ९५ हजार ५०० रुपैयाँ थियो ।
हिजो बुधबार पनि सुनको मूल्यमा प्रतितोला १ हजार ६०० रुपैयाँ गिरावट आएको थियो । मंगलबार तोलामा ९७ हजार ६०० रुपैयाँ र तेजाबी सुनको मूल्य प्रतितोला ९७ हजार १०० थियो । जुन बुधबार तोलामा १ हजार ६०० रुपैयाँले घटेर कारोबारमा आएको थियो ।
पछिल्लो २ दिनमा सुनको मूल्य प्रतितोला ३ हजार रुपैयाँले घटेको महासंघले जनाएको छ । यसैबीचमा चाँदीको मूल्य भने बढेको छ । महासंघका अनुसार आज चाँदीको मूल्य प्रतितोला १० रुपैयाँले बढेर ११ सय ८५ रुपैयाँ कायम भएको छ ।
© 2025 All right reserved to khabarcnter.com | Site By : Sobij
