Logo

२०७९ आषाढ १५ गते बुधवार

images

टेलिकमले चार हजार कर्मचारी प्रतिनिधि सञ्चालक सदस्य चुन्दै

टेलिकमले चार हजार कर्मचारी प्रतिनिधि सञ्चालक सदस्य चुन्दै

खबर सेन्टर

२७ जेठ २०७९
  • 820
    SHARES
  • images
    टेलिकमले चार हजार कर्मचारी प्रतिनिधि सञ्चालक सदस्य चुन्दै
    images

    काठमाडौं । नेपाल टेलिकमको कर्मचारी प्रतिनिधि सञ्चालक समिति सदस्यको निर्वाचनका लागि आज मतदान भइरहेको छ ।

    कर्मचारी प्रतिनिधि सञ्चालक छनोटका लागि भएको निर्वाचनमा विभिन्न कर्मचारी संगठन र कर्मचारीकातर्फबाट प्रतिनिधित्व गर्दै ८ जना चुनावी प्रतिस्पर्धामा छन् । निर्वाचनमा वीरेन्द्रलाल जोशी, बृजेश शर्मा, भावेशकुमार कर्ण, यादवप्रसाद पनेरु, रञ्जित लोहिया, शंकर लामिछाने, सुनिलकुमार मिश्र र सुभास साहले उम्मेदवारी दिएका छन् ।

    लामिछानेलाई नेपाल टेलिकम वर्कस युनियनको समर्थन रहेको छ भने पनेरुलाई नेपाल दुरसञ्चार कर्मचारी संघको समर्थन रहेको छ । ३ हजार ८०० भन्दा बढी कर्मचारी मतदाता रहेको निर्वाचन सातवटै प्रदेशबाट भइरहेको छ ।

    राजधानीका तीन स्थान काठमाडौंको भद्रकालीप्लाजास्थित टेलिकमको केन्द्रीय कार्यालय परिसर, ललितपुरको पाटन र भक्तपुरको गठ्ठाघरमा मतदान भइरहेको छ । त्यस्तै उपत्यका बाहिरका सम्बन्धित प्रदेशस्थित कार्यालयमा मतदान प्रक्रिया भइरहेको टेलिकमले जनाएको छ ।

    टेलिकमको ८ सदस्यीय सञ्चालक समितिमा कर्मचारीकातर्फबाट एक, शेयरहोल्डरमध्येबाट एक, सञ्चार तथा सूचना प्रविधि मन्त्रालयबाट दुई, अर्थ मन्त्रालय र कानून, न्याय तथा संसदीय मन्त्रालयबाट समान एक/एक र टेलिकमको प्रबन्ध निर्देशकको प्रतिनिधित्व रहने व्यवस्था रहेको छ ।

    सञ्चार मन्त्रालयका सचिव टेलिकम सञ्चालक समितिको अध्यक्ष हुन्छन् । टेलिकमभित्र तीन कर्मचारी संगठन सक्रिय छन् । उम्मेदवारमध्ये लामिछाने र पनेरु बलियो प्रतिस्पर्धी रहेको बताइएको छ । 

    images
    प्रकाशित मिति :जेठ २७ २०७९ शुक्रवार - १६:५७:५५ बजे

    खबर सेन्टर

    Admin Of Khabar Center.

    सम्बन्धित समाचार