२०८२ भाद्र ५ गते बिहिवार
२०८२ भाद्र ५ गते बिहिवार
काठमाडौं । प्रतिनिधिसभा विघटनविरुद्धको मुद्दा सुनुवाइ चलिरहँदा संवैधानिक इजलासमा एउटै कानुन व्यवसायीले घण्टौं समय लिएर बहस गर्न थालेपछि आजदेखि समय निर्धारण भएको छ ।
संवैधानिक इजलासमा सुनुवाइ शुरु भएलगत्तै प्रधानन्यायाधीश चोलेन्द्र शमसेर जबराले बहस गर्दा ३० मिनेट समयभित्र टुंग्याउन निर्देशन दिएका छन् । यही निर्देशन अब आदेशका रुपमा रहनेछ ।
मंगलबारदेखि नै बहस गरिरहेका चन्द्रकान्त ज्ञवालीलाई आधा घण्टाभित्र बहस सक्न भनिएको थियो । अब संवैधानिक इजलासमा बहस गर्ने पक्ष विपक्षका वकिलले आधा घण्टामा सक्नुपर्ने भएको छ । बहसका लागि १८८ वकिलले बहस गर्न नाम लेखाएका छन्।
बहसमा भाग लिन सयौं वकिलले नाम लेखाएका छन् । यदि समय निर्धारण नगर्ने हो भने महिनौसम्म सुनुवाइ लम्बिने देखिएकाले समय निर्धारण गरिएको हो । मुद्दालाई चाँडो टुंगो लगाउन सातामा दुई दिनमात्र बस्ने संवैधानिक इजलास दिनहुँ बसिरहेको छ ।
हिजो बहस गर्ने क्रममा अधिवक्ता शेरबहादुर ढुंगानाले ठूलो स्वरमा आफ्नो बयान गर्दै इतिहास सुनाउन थालेको भन्दै प्रधानन्यायाधीश राणा जंगिएका थिए । ढुंगानालाई रोक्दै राणाले भने, तपाईं आफ्नो इतिहास नबताउनोस् । बिस्तारै बोल्नोस्, तपाईं जन्मेदेखिको कुरा यहाँ नसुनाउनोस् भन्नु परेको थियो। अनाबश्यक कुरामा समेत वकिलहरुले चासो राख्न थाले पछि मर्यादा सिकाउन र समय ब्यबस्थापन गर्न समय तोकिएको हो।
प्रधान न्यायाधीश अध्यक्षताको इजलासमा न्यायाधीशहरु विश्वम्भर श्रेष्ठ,अनिल सिन्हा,सपना प्रधान मल्ल र तेजबहादुर केसी छन् ।
© 2025 All right reserved to khabarcnter.com | Site By : Sobij
