२०८२ भाद्र ५ गते बिहिवार
२०८२ भाद्र ५ गते बिहिवार
काठमाडौं। प्रतिनिधिसभा विघटनविरुद्धको रिटमा संवैधानिक इजलासमा सुनुवाइ सुरु भएको छ । प्रधानन्यायाधीश चोलेन्द्र शम्शेर जवराले कानुन व्यवसायीहरुलाई आधा घण्टाभित्रै बहस सक्न समय तोकेका छन् । अधिवक्ता डा. चन्द्रकान्त ज्ञवालीलाई ३० मिनेटको समय दिइएको छ ।
यसअघि, वकालतनामा भरेका कानुन व्यवसायीको संख्या धेरै भएको भन्दै न्यायाधीश अनिल सिन्हाले समय व्यवस्थापन गरेर बहस गर्न सुझाव दिएका थिए । आज भने समय नै तोकिएको छ ।
यसअघि, भीमार्जुन आचार्य, सुनीलकुमार पोख्रेल, डा. रूद्र शर्माले घण्टौँ बहस गरेका थिए । प्रतिनिधिसभा विघटन असंवैधानिक भन्दै दायर रिटमा निवेदकका पक्षबाट साढे ३०० बढी कानुन व्यवसायीले बहसका लागि नाम टिपाएका छन् ।
रिट निवेदकका तर्फबाट बहस गर्ने अधिवक्ताहरुले राजनीतिक कारणले प्रतिनिधिसभा विभटन गर्नुपरेको भन्दै प्रधानमन्त्री केपी ओलीले दिएको लिखित जवाफमाथि प्रश्न उठाउँदै आएका छन् ।
© 2025 All right reserved to khabarcnter.com | Site By : Sobij
