२०८२ मंसिर १३ गते शनिवार
२०८२ मंसिर १३ गते शनिवार
शिखर इन्स्योरेन्स कम्पनीले निष्कासन गरेको हकप्रद शेयरमा आवेदन दिने अन्तिम आज अन्तिम दिन रहेको छ । कम्पनीले चैत १ गते देखि ३० प्रतिशत अर्थात १ः०३ अनुपातमा एक सय रुपैयाँ अंकित दरको ५२ लाख ७५ हजार ५७२ कित्ता हकप्रद शेयर निष्कासन गरेको हो ।
कम्पनीले हकप्रद शेयर निष्कासन प्रयोजनको लागि माघ २१ गते बुक क्लोज गरिसकेको छ । यस आधारमा माघ २० गते सम्म कायम शेयरधनीले साधारण सभामा भाग लिन सक्नेछन् ।
हाल कम्पनीको चुक्ता पूँजी १ अर्ब ७५ करोड रुपैयाँ रहेको छ । यो हकप्रद शेयर निष्कासन बाँडफाँट पश्चात पूँजी २ अर्ब २८ करोड रुपैयाँ पुग्नेछ । कम्पनीले निष्कासन गर्न लागेको हकप्रद शेयरलाई इक्रा नेपालले इक्राएनपी आइआर ए रेटिङ प्रदान गरेको छ । यस्तो रेटिङले कम्पनीले समयमा वित्तीय दायित्व पुरा गर्ने सम्बन्धमा पर्याप्त मात्रामा सुरक्षित रहेको देखाउँछ ।
धितोपत्र निष्कासन तथा विक्री प्रबन्धक एनआइबिएल एस क्यापिटल लिमिटेड रहेको छ । साथै आवेदकले मेरो शेयर सफ्टवेयर मार्फत हकप्रद शेयरमा आवेदन दिन सक्नेछन् । सिडिएस क्लियरिङका अनुसार आइतवार बिहान साढे १० बजे सम्म २५ हजार ६२५ जना आवेदकले १७ लाख ४२ हजार ४१४ कित्ताका लागि आवेदन दिएका छन् ।
© 2025 All right reserved to khabarcnter.com | Site By : Sobij
