२०८२ मंसिर १३ गते शनिवार
२०८२ मंसिर १३ गते शनिवार
रियल टाइम ग्रस सेटलमेन्ट (आरटीजीएस) प्रणाली सञ्चालनको समयसीमा बढाइएको छ।
नेपाल राष्ट्र बैंकले एक सूचना जारी गर्दै आउँदो वैशाख २ गतेदेखि लागू हुने गरी आरटीजीएस प्रणाली सञ्चालनको समय सीमा बढाइएको जानकारी गराएको छ।
अब यो प्रणाली माघ १६ गतेदेखि कात्तिक १५ गतेसम्म आइतबारदेखि बिहीबारसम्म बिहान ९ बजेदेखि बेलुका ५ बजेसम्म र कात्तिक १६ गतेदेखि माघ १६ गतेसम्म बिहान ९ बजेदेखि दिउँसो ४ बजेसम्म सञ्चालन हुनेछ।
प्रत्येक शुक्रबार भने आरटीजीएस प्रणाली बिहान ९ बजेदेखि दिउँसो १ः३० बजेसम्म सञ्चालन हुने राष्ट्र बैंकले जनाएको छ।
आर.टि.जी.एस प्रणाली भनेको के हो?
आर.टि.जी.एस प्रणाली एउटा कोष स्थानान्तरण विधि हो जसमा पैसा वास्तविक समय र ‘ग्रोस’ आधारमा आर. टि. जी. एस आवद्ध एक बैंकबाट आर. टि. जी. एस आवद्ध अर्को बैंकमा हस्तान्तरण हुन्छ । यो बैंकिंङ्ग च्यानल मार्फत पैसा ट्रान्सफर गर्ने सबै भन्दा द्रुत गतिको माध्यम हो। “वास्तविक समयमा’’ भनाले भुक्तानी कारोवारको कुनै प्रतीक्षा अवधि हुँदैन ।
कारोवार प्रक्रिया शुरु हुने बित्तिकै खातामा पर्याप्त मौजदात भए तत्कालै प्रशोधन गरिनेछ र केही मिनेटमै कारोबार सम्पन्न हुन्छ । ”ग्रोस भुक्तानी” भनेको कुनै पनि अन्य कारोबारको पर्खाइ बिनानै एकल आधारमा भुक्तानी फर्छौट हुने विधि हो । नेपाल राष्ट्र बैंकमा पैसा ट्रान्सर भई सकेपछि भुक्तानी अन्तिम र अपरिवर्तनीय मानिनेछ ।
© 2025 All right reserved to khabarcnter.com | Site By : Sobij
