२०८२ मंसिर ६ गते शनिवार
२०८२ मंसिर ६ गते शनिवार
काठमाडौं । गृहमन्त्री बालकृष्ण खाणले संखुवासभामा भएको यात्रुबाहक बस दुर्घटनाका घाइतेलाई उद्धारका लागि हेलिकोप्टर पठाउन निर्देशन दिएका छन् । उनले गृहसचिव टेकनारायण पाण्डे र संखुवासभाका प्रमुख जिल्ला अधिकारी नुरहरि खतिवडालाई दुर्घटनामा घाइते भएकाहरूको हेलिकोप्टर प्रयोग गरेर यथाशिघ्र उद्धार गर्न निर्देशन दिएका हुन् ।
‘मन्त्रीन्यूबाट घाइतेहरूको हेलिकोप्टरबाट उद्धार गर्न निर्देशन भएको छ । हामीले नेपाली सेनासँग सम्पर्क गरेर हेलिकोप्टर उद्धारका लागि संखुवासभाको चैनपुरमा पठाउने तयारी गरिरहेका छौँ,’ गृह मन्त्रालयका प्रवक्ता फणिन्द्रमणि पोखरेलले जानकारी दिए ।
संखुवासभाका प्रमुख जिल्ला अधिकारी खतिवडाका अनुसार यात्रुबाहक बस दुर्घटनामा मृत्यु हुनेको संख्या १४ पुगेको छ भने पाँच जना गम्भीर घाइते छन् । घाइतेलाई घटनास्थलबाट अहिले चैनपुर पुर्याइँदैछ । चैनपुरबाट हेलिकोप्टरमा धरान पुर्याउने तयारी भइरहेको प्रजिअ खतिवडाले जानकारी दिए ।
प्रजिअ खतिवडाका अनुसार यात्रुहरू कति थिए भन्ने एकीन नभएकाले खोजीकार्य जारी रहेको छ।
© 2025 All right reserved to khabarcnter.com | Site By : Sobij
