२०८२ भाद्र ५ गते बिहिवार
२०८२ भाद्र ५ गते बिहिवार
सरकारले सेवा अवधिका आधारमा ३ वर्षदेखि १५ वर्ष वा सोभन्दा बढी समय सेवा गरेका २८४ जना अस्थायी शिक्षक र कर्मचारीलाई एक लाखदेखि सात लाख रूपैयाँसम्म दिने सरकारले निर्णय गरेको छ ।
राजनीतिक पूर्वाग्रह, द्वन्द्व तथा आन्दोलनको कारण सेवाबाट हटाइएका शिक्षक र कर्मचारीलाई सोमबार (१६ फागुन) बसेको मन्त्रिपरिषद् बैठकले सो रकम दिने निर्णय गरेको हो ।
अस्थायी शिक्षक र कर्मचारीले शिक्षा, विज्ञान तथा प्रविधिमन्त्री देवेन्द्र पौडेललाई यस विषयमा ध्यानाकर्षण गराउँदै आएका थिए । मन्त्री पौडेलले उनीहरूकाे माग मन्त्रिपरिषदमा लगेका थिए । मन्त्री पाैडेलकाे साे प्रस्ताव मन्त्रिपरिषद्ले पारित गरेको हो ।
–३ वर्षभन्दा कम सेवा अवधिका शिक्षकलाई : एक लाख, एक लाख २५ हजार र एक लाख ५० हजार ।
–३ वर्षदेखि ५ वर्ष भन्दा कम सेवा अवधि : १ लाख ७५ हजार, २ लाख र २ लाख ५० हजार ।
–५ वर्षदेखि १० वर्षभन्दा कम सेवा अवधि : २ लाख ५० हजार, २ लाख ७५ हजार र ३ लाख ।
–१० वर्षदेखि १५ वर्षभन्दा कम सेवा अवधि : ३ लाख ५० हजार, ४ लाख र ४ लाख ५० हजार ।
–१५ वर्ष र सो भन्दा सेवा अवधि : बढी ५ लाख, ६ लाख र ७ लाख ।
© 2025 All right reserved to khabarcnter.com | Site By : Sobij
