२०८२ मंसिर ६ गते शनिवार
२०८२ मंसिर ६ गते शनिवार
काठमाडौँ । तनहुँ सदरमुकाम दमौली बजारमा लागेको आगो साढे ३ घण्टापछि नियन्त्रणमा आएको छ। आगो निभाउन काठमाडौंबाट लगिएको हेलिकप्टरले आकाशबाट पानी खन्याएको थियो।
तनहुँका प्रमुख जिल्ला अधिकारी विश्वप्रकाश अर्यालका अनुसार दमौली बजारको भोर्लेटार चोकस्थित भुपाल हार्डवेयर र ज्योति हार्डवेयरमा लागेको आगो निभाउन पोखरबाट चारवटा र लमजुङबाट एउटा दमकल ल्याइएको थियो।
स्थानीय सेना, प्रहरी र वारुण यन्त्रले पनि निभाउन नसकिएपछि काठमाडौंबाट सिम्रिक एयरको हेलिकप्टर र दुई छिमेकी जिल्लाबाट दमकल ल्याइएको थियो।
आगलागीबाट भएको क्षतिको विवरण आइसकेको छैन। आगो निभाउन स्थानीय बजारका ट्यांकर पनि प्रयोग गरिएको थियो। क्षतिको विस्तृत विवरण संकलन भइरहेको अर्यालले बताएका छन्।
© 2025 All right reserved to khabarcnter.com | Site By : Sobij
