२०८२ मंसिर ६ गते शनिवार
२०८२ मंसिर ६ गते शनिवार
काठमाडौँ । अमेरिकी सहयोग परियोजना एमसीसी सम्झौताविरुद्ध विभिन्न राजनीतिक दलहरुले आज पनि प्रदर्शन गर्ने भएका छन् । विवादका बीच प्रतिनिधिसभामा टेबल भएको एमसीसी प्रस्तावमाथि आज दिउँसको संसद बैठकमा छलफल हुने भएपछि ३४ राजनीतिक दलले प्रदर्शन गर्न लागेका हुन् ।
सत्तारुढ माओवादी केन्द्र र एकीकृत समाजवादीका भ्रातृ संगठनहरु पनि एमसीसी खारेजीको माग गर्दै आन्दोलनमा छन् । संसदमा रहेका नेपाल मजदुर किसान पार्टी (नेमकिपा) र राष्ट्रिय जनमोर्चाले सडक संघर्ष तीब्र पारेका छन् ।
त्यस्तै, नेपालका लागि नेपाली पार्टी, नेकपा (क्रान्तिकारी माओवादी), नेकपा मसाल, नेपाल कम्युनिस्ट पार्टीसहितको ६ दलीय मोर्चा, नेकपा माले, एमसीसी खारेज अभियानलगायत २२ राजनितीक दल तथा अभियान, संयुक्त जनआन्दोलन नेपालले अलग–अलग र संयुक्त आन्दोलन गर्दै आएका छन् ।
आज पनि यी सबै दल, संगठन र अभियानले प्रदर्शन गर्न लागेका हुन् । उनीहरुले बानेश्वरस्थित संसद भवनलाई तीनतिरबाट घेर्ने तयारी गरेका छन् ।
© 2025 All right reserved to khabarcnter.com | Site By : Sobij
