करिब दुई वर्षपछि अस्ट्रेलियाले सिमानाका खोलेको छ । कोभिड महामारी नियन्त्रणका लागि बन्द गरेको सिमानाका पुनः सुचारु भएको हो ।
अस्ट्रेलिया सरकारले २०२० को मार्चदेखि आफ्नो सम्पूर्ण नाकाहरू बन्द गरेको थियो । गत वर्षदेखि केही अस्ट्रेलियन नागरिकलाई घर फिर्तीका लागि अनुमति दिए पनि विदेशी पर्यटकलाई भने प्रवेश पूर्ण रोक लगाएको थियो ।
लामो समयपछि प्रवेश अनुमति भएसँगै नागरिकहरू खुसी भएको बीबीसीले जनाएको छ । लामो समयसम्म अलग्गिएका परिवारहरू भेट हुँदा विमानस्थलमा खुसीको वर्षा भएको बताइएको छ ।
सन् २०१९ को अन्त्यदेखि फैलिएको कोरोना भाइरसबाट अस्ट्रेलियामा ३ लाख ५० हजार बराबर मानिस संक्रमित भइसकेका छन् । जसमध्ये ५ हजार बराबरले ज्यान गुमाएको वल्र्डुमिटरको तथ्यांकमा रहेको छ ।
