२०८२ भाद्र २ गते सोमवार
२०८२ भाद्र २ गते सोमवार
संयुक्त राज्य अमेरिकामा कोभिड-१९ बाट ज्यान गुमाउनेहरुको संख्यामा नयाँ रेकर्ड देखिएको छ ।त्यहाँ एकै दिन कोरोनाबाट ४ हजार जनाभन्दा बढीको मृत्यु भएको छ ।
सेन्टर फर डिजिज कन्ट्रोल एण्ड प्रिभेन्सन, सीडीसीले दिएको जानकारी अनुसार गत बिहीबार मात्र कम्तीमा पनि ४ हजार १८० जनाको कोरोनाबाट मृत्यु भएको छ । एकैदिन २ लाख ७९ हजार ४०१ जना नयाँ संक्रमित भेटिएका छन् ।
सीडीसीले दिएको जानकारी अनुसार अमेरिकामा कोरोना भाइरसको महामारी सुरु भएपछिको यो सबैभन्दा धेरै संख्याको संक्रमण र मृत्यु हो । शुक्रबारको तथ्यांक अनुसार करिब १ लाख ३२ जना नागरिक कोभिड संक्रमणका कारण बिरामी भएर अस्पतालमा रहेका बताइएको छ ।
अमेरिकामा अहिलेसम्ममा कोरोना संक्रमणबाट २ करोडभन्दा बढी मानिस संक्रमित भइसकेका छन् । यहाँ ३ लाख ६९ हजार जनाको मृत्यु भइसकेको छ ।
© 2025 All right reserved to khabarcnter.com | Site By : Sobij
