२०८२ भाद्र ६ गते शुक्रवार
२०८२ भाद्र ६ गते शुक्रवार
राष्ट्रपति शैक्षिक सुधार कार्यक्रममा देशभरका चार हजार १५७ विद्यालय सार्वजनिक गरिएको छ । शिक्षा, विज्ञान तथा प्रविधिमन्त्री देवेन्द्र पौडेलको अध्यक्षतामा बसेको बैठकले प्रस्तावक विद्यालयको प्रस्ताव स्वीकृत गरेपछि शिक्षा तथा मानव स्रोत विकास केन्द्रले नामावली सार्वजनिक गरेको हो ।
जसमध्ये चार कोठे भवन ९७६, दुई कोठे भवन ९६६, आइसीटी ल्याब व्यवस्थापन दुई हजार १०६, प्राविधिक ल्याब ८८ र नयाँ प्राविधिक विद्यालय स्थापना २१ वटा निर्माण गर्ने गरी स्वीकृति दिएको छ ।
चार कोठे भवन निर्माणका लागि प्रतिविद्यालय ३६ लाख रुपियाँ, दुई कोठे भवन निर्माणका लागि १८ लाख रुपियाँ, आइसीटी ल्याब व्यवस्थापनका लागि छ लाख ५० हजार रुपियाँ, नयाँ प्राविधिक धार सञ्चालनका लागि ल्याब व्यवस्थापन तथा शिक्षण सहयोग अनुदान २१ विद्यालयलाई ७० करोड ५९ लाख छ हजार रुपियाँ, गत आर्थिक वर्षमा ल्याब व्यवस्थापनका लागि छुट विद्यालयका लागि अनुदान १४ विद्यालयका लागि ३३ करोड ६० लाख रुपियाँ र प्राविधिक धार सञ्चालित विद्यालयमा ल्याब सुदृढीकरण तथा स्तरनोन्नितका लागि अनुदान ८८ विद्यालयलाई ८८ करोड रकम छुट्याइएको छ ।
राष्ट्रपति शैक्षिक सुधारका लागि सात अर्ब ८५ करोड ५१ लाख रुपियाँ छुट्याएको छ । विद्यालय छनोट गरी बाँकी एक अर्ब ३८ करोड रुपियाँ बाँकी रहेका स्थानीय तहका विद्यालयमा छुट्याइने भएको छ ।
शिक्षा तथा मानव स्रोत विकास केन्द्रको सूचना अनुसार प्रस्ताव पेश गर्ने विद्यालयहरु मध्ये राष्ट्रपति शैक्षिक सुधार कार्यक्रम कार्यान्वयन कार्यविधि २०७६ मा रहेको व्यवस्था बमोजिम विद्यालय र कार्यक्रम छनोट भएको केन्द्रका निर्देशक गीता घिमिरेले जानकारी दिइन् ।कार्यक्रम कार्यान्वयन प्रक्रिया तथा वजेट सम्वन्धित स्थानीय तहमा तत्काल वित्तीय हस्तान्तरण हुने उनले बताइन् ।
राष्ट्रपति शैक्षिक सुधार कार्यक्रममा आव २०७८–०७९ का लागि छनोटमा परेका विद्यालय र कार्यक्रमहरुः
© 2025 All right reserved to khabarcnter.com | Site By : Sobij
