२०८२ भाद्र ६ गते शुक्रवार
२०८२ भाद्र ६ गते शुक्रवार
चितवनको कालिका नगरपालिकाले इसीडी शिक्षक र विद्यालय कर्मचारीलाई संघीय सरकारले तोकेको न्युनतम तलब दिने भएको छ । पुसमा बसेको नगरसभा बैठकले सबै इसीडी शिक्षक र विद्यालय कर्मचारीलाई नगरपालिकाको तर्फबाट ७ हजार रूपैयाँ थप गर्ने निर्णय भएको शिक्षा शाखा प्रमुख नारायणप्रसाद वाग्लेले जानकारी दिए ।
कर्मचारीले अहिलेसम्म संघीय सरकारले उपलब्ध गराएको रकम मात्र पाएको र अब हुने तलब निकासामा ७ हजारका दरले आगामी साउन महिनादेखिको सबै बाँकी रकम उपलब्ध गराउने उनले वाग्लेले जनाए ।
आर्थिक वर्ष २०७८/०७९ को बजेटमार्फत इसीडी शिक्षक र विद्यालय कर्मचारीलाई संघीय सरकारले मासिक १५ हजार रूपैयाँ उपलब्ध गराउने घोषणा गरेको थियो ।
कर्मचारीहरूलाई उक्त तलब उपलब्ध गराउन संघीय सरकारले इसीडी शिक्षक र विद्यालय सहयोगीका लागि मासिक ८ हजार रूपैयाँ र लेखा कर्मचारीका लागि १३ हजार ५०० रूपैयाँ उपलब्ध गराउने घोषणा गरेको थियो ।
पालिकाभित्रका सामुदायिक विद्यालयमा ५८ जना इसीडी शिक्षक, ३६ जना विद्यालय सहयोगी र ६ जना लेखापाल कार्यरत रहेको शिक्षा शाखा प्रमुख वाग्लेले जानकारी दिए ।
© 2025 All right reserved to khabarcnter.com | Site By : Sobij
