२०८२ मंसिर १३ गते शनिवार
२०८२ मंसिर १३ गते शनिवार
काठमाडौं । हाल सञ्चालनमा रहेका २० निर्जिवन बीमा कम्पनीहरूमध्ये हाल सम्म ६ वटा कम्पनीले बोनस सार्वजनिक गरेका छन् । बोनस सार्वजनिक गर्नेमा हिमालयन जनरल इन्स्योरेन्स, सिद्धार्थ इन्स्योरेन्स, प्रिमियर इन्स्योरेन्स, प्रभु इन्स्योरेन्स, नेको इन्स्योरेन्स र एनएलजी इन्स्योरेन्स रहेका छन् ।
१. हिमालयन जनरल इन्स्योरेन्स
हिमालयन जनरल इन्स्योरेन्स कम्पनीले आर्थिक वर्ष २०७७/७८ को मुनाफाबाट सेयरधनीलाई वितरण गर्ने लाभांश घोषणा गरेको छ । कम्पनीले ६.६५ प्रतिशत बोनस शेयर र ०.३५ प्रतिशत नगद लाभांश घोषणा गरि कुल ७ प्रतिशत लाभांश घोषणा गरेको हो ।
२. सिद्धार्थ इन्स्योरेन्स
सिद्धार्थ इन्स्योरेन्सले आर्थिक वर्ष २०७७/७८ को मुनाफाबाट सेयरधनीलाई वितरण गर्ने लाभांश घोषणा गरेको छ । कम्पनीले हाल कायम चुक्तापुँजी १ अर्ब १२ करोड रुपैयाँबाट १५ प्रतिशत बोनस शेयर र कर प्रयोजनका लागि ०.७८९५ प्रतिशत नगद लाभांश गरी कुल १५.७८९५ प्रतिशत लाभांश वितरणका लागि नियमक निकाय बीमा समिति समक्ष प्रस्ताव पेश गरेको छ ।
३. प्रिमियर इन्स्योरेन्स
प्रिमियर इन्स्योरेन्स कम्पनीले गत आर्थिक वर्षको मुनाफाबाट १४.२५ प्रतिशत बोनस शेयर र कर प्रयोजनको लागि ०.७५ प्रतिशत नगद गरी १५ प्रतिशत लाभांश प्रस्ताव गरेको छ ।
४. प्रभु इन्स्योरेन्स
प्रभु इन्स्योरेन्सले गत आर्थिक वर्षको मुनाफाबाट चुक्ता पूँजीको ११ प्रतिशत बोनस शेयर र कर प्रयोजनको लागि ०.५८ प्रतिशत गरी ११.५८ प्रतिशत लाभांश दिने घोषणा गरेको छ ।
५. नेको इन्स्योरेन्स
नेको इन्स्योरेन्सले गत आर्थिक वर्षको मुनाफाबाट १५ प्रतिशत बोनस शेयर र कर प्रयोजनको लागि ०.७९ प्रतिशत नगद गरी १५.७९ प्रतिशत लाभांश प्रस्ताव गरेको छ ।
६. एनएलजी इन्स्योरेन्स
एनएलजी इन्स्योरेन्सले आर्थिक वर्ष २०७७/७८ को मुनाफाबाट सेयरधनीलाई वितरण गर्ने लाभांश घोषणा गरेको छ । कम्पनीले १० प्रतिशत बोनस शेयर र कर प्रयोजनको लागि ०.५२ प्रतिशत नगद गरी १०.५३ प्रतिशत लाभांश प्रस्ताव गरेको छ ।
© 2025 All right reserved to khabarcnter.com | Site By : Sobij
