शुक्रकीट दान गरी आफूलाई गर्भवती बनाउने पुरुषविरुद्ध एक महिलाले मुद्दा दर्ता गरेकी छिन् । ती महिलाले मुद्दामा ती पुरुषबाट २९ लाख डरल अर्थात करिब ३४ लाख नेपाली रुपैयाँ माग गरेकी छिन् ।
शुक्रकीट दाता पुरुषले परिचय ढाँटेर आफूलाई धोका दिएको महिलाको आरोप छ । साउथ चाइना मर्निङ पोस्टमा प्रकाशित खबर अनुसार ३० वर्षीया ती महिला विवाहित हुन् । उनको पहिलो बच्चा जन्मिएपछि उनको पति एक गम्भीर वंशाणुगत रोगबाट बिरामी परे त्यसपछि ती महिलाका पतिको प्रजनन क्षमता गुम्यो ।
दोस्रो बच्चाका लागि महिलाले वीर्यदान गर्ने पुरुष अनलाइनमा खोजी गर्न थालिन् । सामाजिक सञ्चालमार्फत ती महिला उत्तरी जापानमा रहने एक २५ वर्षीय पुरुषसँग सम्पर्कमा पुगिन् । ती व्यक्तिले महिलासँगको परिचयमा आफूलाई अविवाहित जापानी नागरिक भएको बताएका थिए । उनले जापनको क्योटो युनिभर्सिटीबाट स्नातक पास गरेको जानकारी दिएको थिए ।
उनीसँग महिलाले १० पटक शारीरिक सम्पर्क गरिन् । अन्ततः महिला जुन २०१९ मा गर्भवती भइन्। गर्भवती अवस्थामै उनले जानकारी पाइन् कि आफूलाई वीर्यदान गर्ने पुरुष जापानी नभएर चिनियाँ नागरिक हुन् । उनी जापानी महिलासँग विवाह गरी जापानमा बसोबास गरेका थिए । अनिले उनले भनेजस्तो उनी क्योटो युनिभर्सिटीबाट नभई उत्तरी जापनको अर्कै विश्वविद्यालयबाट स्नातक गरेका थिए।
पुरुषको वास्तविक परियच थाहापाएपछि महिलालाई आफ्नो गर्भमा रहेको बच्चा प्रतिको मोह भंग भयो । गर्भनास गर्नका लागि ढिलो भइसकेको थियो। महिलाले बच्चालाई जन्म दिनेवित्तिकै बच्चा अरु(बच्चाको चाहना राख्ने)लाई दिनका राखिन्। पुरुषले आफ्नो नागरिकता, वैवाहिक अवस्था र शैक्षिक योग्यता ढाँटेर आफ्नो भावनामाथि खेलबाड गरेको महिलाको आरोप छ ।
आफूसँग योन सम्बन्ध बनाउनका लागि पुरुषले झुटो बोलेको भन्दै ती महिलाले ठूलो रकम क्षतिपूर्ति माग गर्दै मुद्दा हालेकी हुन् ।
