२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । बहुमुखी प्रतिभाका धनी हरिवंश आचार्य गायकका रुपमा पनि चर्चित छन् । "साझा बसमा जो पनि चढ्दछ", "सारंगी रेटौंला", "हाम्री आमा सार्ह्रै नै बाठी छिन्" लगायत गीत चर्चित छन् । उनी हास्य-व्यंग्य शैलीला आफ्ना गीतमा सामाजिक-राजनीतिक विकृति चित्रण गर्न सिपालु छन् ।
उनै हरिवंशको बुधबार दिउँसो "एउटा कुरा छ" बोलको नयाँ गीत युट्युबमार्फत सार्वजनिक भएको छ । गीतमा शब्द र संगीत पनि हरिवंशकै छ ।
हरिवंशले नेपालमा व्याप्त राजनीतिक भ्रष्टाचारलाई गीतको विषय बनाएका छन् । गीतको विषय राजनीतिक भए पनि प्रस्तुति रमाइलो छ । सामान बोक्ने रिक्शा गुडाउँदै धनी बनेको सपना देख्ने गरिब पात्रको कथा भनिएको गीतमा उनी आफैंले मुख्य भूमिका निर्वाह गरेका छन् ।
सत्यदीप केसीको सिनेमेटोग्राफी रहेको भिडिओ निर्देशन सागर राज शर्माले गरेका हुन् । गीतको संगीत संयोजन र मिक्सिङ किरण तुलाधरले गरको छन् । गीतको भिडियो महसंचारबाट युट्युबमा सार्वजिनक भएको हो ।
© 2025 All right reserved to khabarcnter.com | Site By : Sobij
