काठमाडौँ । माओवादी केन्द्रका अध्यक्ष पुष्पकमल दाहाल प्रचण्डलाई कोरोना संक्रमण भएको छ। उहाँको पीसीआर परीक्षण गर्दा उहाँको रिपोर्ट पोजेटिभ आएको प्रचण्डको सचिवालयले जानकारी दिएको छ।

उहाँको स्वास्थ्य अवस्था सामान्य रहेको र निवासमै आराम गरिरहनुभएको सचिवालयले जनाएको छ । 

डाक्टरको सल्लाह अनुसार आइसोलेशनमा बस्नुपर्ने भएकोले पूर्वनिर्धारित सम्पूर्ण कार्यक्रमहरु स्थगित गरिएको उहाँकी पुत्री तथा निजी सचिव गंगा दाहालले बताउनु भएको छ ।