रोल्पा । हृदयघातबाट रोल्पाका एमाले नेताको निधन भएको छ । एमालेका रोल्पा जिल्ला कमिटी सचिव निमप्रसाद रोकाको हृदयघाटबाट निधन भएको एमाले जिल्ला अध्यक्ष बालाराम बुढामगरले जानकारी दिनुभएको छ । 

त्रिवेणी गाउँपालिका–२ नुवागाउँका ४७ वर्षको हुनुहुन्थ्यो । अध्यक्ष बुढामगरका अनुसार रोकाको बुधबार राति पौने ९ बजे निधन भएको हो।

भोलिबाट एमालेको जिल्ला अधिवेशन सुरु हुँदै थियो । जिल्ला अधिवेशनको तयारीमा खटिइरहनु भएका रोकालाई हिजो बिहानदेखि छाति दुख्ने समस्या देखिएको थियो । बेलुका धेरै छाती दुख्यो भनेपछि स्वास्थ्य संस्थामा लैजाँदै गर्दा बाटैमा रोकाको निधन भएको जिल्ला अध्यक्ष बुढामगरले जानकारी दिनुभयो ।