काठमाडौँ । कोभिड–१९ को नयाँ भेरियन्ट ओमीक्रोन विश्वका करिब १०० मुलुकमा फैलिएको छ । अहिले संक्रमण उच्च भएका ठाउँमा यसअघिकै डेल्टा र साथमा ओमीक्रोन भेरियन्ट तीब्र रुपमा फैलिएको छ। 

अहिले ओमीक्रोन भेरियन्टको चर्चा चलिरहेका बेला अहिलेडेल्मीक्रोन भेरियन्टको चर्चा भइरहेको छ । डेल्टा र ओमीक्रोन एक साथ फैलिएका ठाउँमाडेल्मीक्रोन भेरियन्ट समे देखिएको विज्ञहरुले बताएका छन् । अमेरिका र युरोपियन मुलुकमा अहिले कोरोना संक्रमण तीब्र गतिमा फैलनुमाडेल्मीक्रोन भेरियन्ट जिम्मेवार रहेको आशंका विज्ञहरुको छ। 

के हो डेल्मीक्रोन ?

डेल्टा र ओमीक्रोन भेरियन्ट एकै व्यक्तिमा संक्रमण भएर दुवैको स्पाइक प्रोटिन मिलेर अर्काे सुपर भेरियन्ट बन्नेबारे विज्ञहरुले यसअघि नै चर्चा गरेका थिए । यस भेरियन्टलाई मिलाएरडेल्मीक्रोन नाम दिइएको हो । 

रोग प्रतिरोधी क्षमता कमजोर भएका व्यक्तिमा दुवै भेरियन्ट एक साथ प्रवेश गर्न सक्ने चिकित्सकहरुले बताएका छन् । उक्त व्यक्तिको शरीरमा दुवै भेरियन्ट मिलेर अर्काे सुपर भेरियन्ट बन्ने विज्ञहरु बताउँछन् । 

यी दुवै भेरियन्टलाई विज्ञहरु जुम्ल्याहा भाइरस मान्छन् । जब दुवैको स्पाइक प्रोटिनको मिश्रण हुन्छ, यसबाट नयाँ भेरियन्टको जन्म हुने र त्यो खतरनाक पनि हुनसक्ने आँकलन वैज्ञानिकहरुको छ । 

दुवै भेरियन्टले जिन साटासाट गर्ने र नयाँ भेरियन्टको विकास हुने वैज्ञानिकहरुको भनाइ छ । अहिले कोरोना संक्रमण उच्च भएका दक्षिण अफ्रिका बाहेकका मुलुकमा डेल्टा भेरियन्ट नै कारक देखिएको छ । तर डेल्टा र ओमीक्रोन मिलेर नयाँडेल्मीक्रोन भेरियन्ट निर्माण भई यसैका कारण संक्रमण फैलिएको कुरालाई पनि नकार्न नसकिने विज्ञहरु बताउँछन्।