२०८२ मंसिर १२ गते शुक्रवार
२०८२ मंसिर १२ गते शुक्रवार
सिभिल बैंकले मंसिर २४ गते शुक्रवारदेखि निष्कासन गरेको ऋणपत्रमा ७ हजार बढी आवेदकबाट आवेदन परेको छ ।
सिडिएस एण्ड क्लियरिङ्ग लिमिटेडले दिएको जानकारी अनुसार सोमवार साँझ ५ बजेसम्म ७ हजार ३२७ जना आवेदकहरुबाट ४ लाख ५२ हजार १५७ कित्ता खरिद माग भएको हो ।
कम्पनीले रु. ३ अर्ब बरावरको ३० लाख कित्ता ऋणपत्र खरिदका लागि छिटो अवधि मंसिर २८ गतेसम्म तोकेको थियो । उक्त अवधिभित्र माग बमोजिम आवेदन नपरेपछि ढिलो अवधि पुस ९ गतेसम्म ऋणपत्र विक्रीमा रहने जानकारी कम्पनीले दिएको हो ।
कम्पनीले कुल ३० लाख कित्ता ऋणपत्र मध्ये १२ लाख कित्ता सर्वसाधारणको लागि र १८ लाख कित्ता ऋणपत्र व्यक्तिगत तवरबाट विक्री गरिने बताएको छ ।
सर्वसाधारणको लागि निष्कासन गर्ने कुल १२ लाख कित्ता ऋणपत्रमध्ये ६० हजार कित्ता ऋणपत्र सामुहिक लगानी कोषको लागि छुट्याइएको छ भने बाँकीमा सर्वसाधारणले आवेदन गर्न सक्नेछन् ।
आवेदकले उक्त ऋणपत्रमा न्यूनतम २५ कित्ता का लागि आवेदन दिन सक्नेछन् भने अधिकतम सम्पूर्ण कित्ताका लागि आवेदन दिन पाउने छन् । कम्पनीले १० वर्षे अवधिका लागि वार्षिक १०.२५ प्रतिशत ब्याजदरमा ऋणपत्र निष्कासन गरेको हो । कम्पनीको ऋणपत्र निष्कासन तथा विक्री प्रबन्धकमा लक्ष्मी क्यापिटल मार्केट लिमिटेड रहेको छ ।
© 2025 All right reserved to khabarcnter.com | Site By : Sobij
