२०८२ भाद्र ३ गते मंगलवार
२०८२ भाद्र ३ गते मंगलवार
सिभिल बैंकले शुक्रबार अर्थात् मंसिर २४ गतेदेखि तीन अर्ब रुपैयाँ बराबरको ‘सिभिल बैंक डिबेन्चर २०८८’ को बिक्री खुला गरेकोे छ ।
बैंकले दीर्घकालीन स्रोत संकलनका लागि डिबेन्चर (ऋणपत्र) जारी गरेको हो । बैंकले प्रति डिबेन्चर एक हजार रुपैयाँ अंकित मूल्यका तीन अर्ब रुपैयाँ बराबरको ३० लाख कित्ता ऋणपत्र निष्काशन गरेको छ ।
कुल ऋणपत्रमध्ये १ अर्ब ८० करोड रुपैयाँ बराबरको १८ लाख कित्ता डिबेन्चर व्यक्तिगत तवरबाट बिक्री हुनेछ । बाँकी रहेको १ अर्ब २० करोड रुपैयाँ बराबरको १२ लाख कित्ता (सामूहिक लगानी कोषका लागि छुट्टाइएको छ भने बाँकी रहेको ५ प्रतिशत बराबरको ६० हजार कित्ता सहित) डिबेन्चर सर्वसाधारणमा बिक्री गरिनेछ ।
दश वर्ष अवधि रहेको बैंकको ऋणपत्रका लागानीकर्ताले वार्षिक १०.२५ प्रतिशत ब्याजदर पाउनेछन् । मंसिर २४ गतेदेखि निष्काशन तथा बिक्री खुल्ला भएको उक्त ऋणपत्र निष्काशन बन्द छिटोमा मंसिर २८ गते रहेको छ भने उक्त समयावधिभित्र सबै ऋणपत्र बिक्री नभएको खण्डमा भने ढिलोमा पुस ५ गतेसम्म निष्काशन खुला रहनेछ ।
इच्छुक आवेदकले न्यूनतम २५ कित्तादेखि अधिकतममा सम्पूर्ण कित्ता ऋणपत्रका लागि आवेदन दिन सक्ने व्यवस्था छ ।
© 2025 All right reserved to khabarcnter.com | Site By : Sobij
