२०८२ भाद्र २० गते शुक्रवार
२०८२ भाद्र २० गते शुक्रवार
फिल्म 'गुञ्जन'को छायांकनका लागि निर्माण टिम दुबई पुगेको छ । अभिनेत्री सारा सिर्पाली र अभिनेता प्रितमराज सेन्चुरीसहितको टोली एक गीतको छायांकनको लागि दुबई पुगेको हो ।
अहिले दुबईमा ‘सास चल्छ पल पल तिम्रै मायाको’ छायांकन भइरहेको छ । कविराज गहतराजले करियोग्राफी गरिरहेको भिडियोलाई बिदुर पाण्डेले खिचिरहेका छन् । गीतको छायांकनका लागि निर्देशक अष्ट महर्जन, निर्माता हिराकृष्ण महर्जन पनि दुबई पुगेका छन् ।
गीतको भिडियोमा सारा र प्रितमराज निकै रोमान्टिक शैलीमा प्रस्तुत भएका छन् । दुबईको विभिन्न आकर्षक लोकेशनमा गीतको छायांकन भइरहेको छ ।
विगत २ दशकदेखि द्वन्द्व निर्देशकका रूपमा काम गर्दै आएका अष्टले यसै फिल्मबाट निर्देशनमा डेब्यु गर्न लागेका हुन् ।
प्रेमकथामा बनेको फिल्ममा सारा र प्रितमराजसँगै सरोज खनाल, कविर खड्का, हिउँवाला गौतम, रोहन शाही, निरुता स्याङताङ, कञ्चन चालिसेलगायतको अभिनय रहेको छ ।
© 2025 All right reserved to khabarcnter.com | Site By : Sobij
